Архіў навін

Вадзім Жылко

Мая сённяшняя суразмоўніца – Лілія Гоман. Вось ужо амаль два дзясяцігоддзі Лілія Канстанцінаўна выкладае гісторыю ў сярэдняй школе №4 горада Лунінца, якую калісьці сама скончыла. Потым была вучоба на гістарычным факультэце Брэсцкага педагагічнага інстытута, накіраванне ў родны горад. Настаўніца мае вышэйшую катэгорыю, яе навучэнцы не аднойчы былі прызёрамі і пераможцамі раённых і абласных прадметных алімпіяд. Напрыклад, летась заваявалі дыплом першай ступені на абласной алімпіядзе па асновах прававых ведаў і трэцяй ступені – па гісторыі…
Лунінец – не надта вялікі горад, многіх педагогаў тут ведаюць, так бы мовіць, у твар. Таму не аднойчы чуў водгукі і пра Лілію Гоман як пра педагога творчага, таленавітага. Тым больш цікава было спытаць у настаўніцы, як ацэньвае яна сучасны стан гісторыі ў школе? Кожны дзень Лілія Канстанцінаўна мае справу са сваім прадметам, як кажуць, на практыцы, непасрэдна ля школьнай дошкі. Якой бачыцца ёй сітуацыя?

Алена Палейка

У жніўні 2013 года адбыўся другі адукацыйны візіт беларускіх настаўнікаў, выкладчыкаў, навукоўцаў і прадстаўнікоў неўрадавых адукацыйных арганізацый у Эстонію па праграме «Інфармацыйна-камунікатыўныя тэхналогіі ў адукацыі». Пра першы візіт па гэтай праграме ў мінулым годзе вельмі цікава і змястоўна расказала мая калега і сяброўка Наталля Ільініч у серыі артыкулаў «Эстонская адукацыя вачыма беларускага настаўніка». Яна зрабіла вельмі грунтоўнае даследванне, якое, спадзяёмся, яшчэ зацікавіць наша Міністэрства адукацыі…
За 2013 год як у эстонскай, так і ў беларускай адукацыі адбылося шмат значных падзей.

На сайце ptushki.org з’явіўся першы анлайн-вызначальнік птушак на беларускай мове. З яго дапамогай можна даведацца, якія віды ёсць у Беларусі, разглядзець птушак на фотаздымках і нават паслухаць іх голас. Электронны вызначальнік змяшчае інфармацыю пра ўсіх птушак Беларусі. Для кожнага віда дададзены апісанні, інфармацыя пра тое, дзе яны жывуць, якія будуюць гнёзды, калі іх можна пабачыць і г.д.

Радыё Свабода

Міністэрства адукацыі прызнала, што ў Аўсянкаўскай сярэдняй школе з пункту гледжання гатоўнасці да навучальнага года ёсць недахопы.
Аднак яны, лічыць міністэрства, не перашкаджаюць навучальнаму працэсу. Пра гэта гаворыцца ў адказе на скаргу цяпер ужо былой настаўніцы гэтай вясковай школы, што ў Горацкім раёне Магілёўскай вобласці, Жанне Шчарбінінай.
Настаўніца паскардзілася ў міністэрства, што ў яе класе абслуговай працы доўгі час не было рамонту і клас не прыдатны для таго, каб у ім вучыліся дзеці. Пазней пра свой клас Жанна Шчарбініна паведаміла журналістам. Скарга ў міністэрства і публікацыі ў незалежных медыях выклікалі грамадскі розгалас і нярвовую рэакцыю адміністрацыі школы. Настаўніца мусіла звольніцца па ўласным жаданні. Тым часам яе клас падрамантавалі.