Архіў навін
Дыстанцыйныя курсы Еўрапейскага гуманітарнага універсітэта
З 1 да 28 лютага 2008 года ў Еўрапейскім гуманітарным універсітэце (ЕГУ) даступная рэгістрацыя на курсы дыстанцыйнага навучання вясновага семестра 2007–08 навучальнага года. Для грамадзян і сталых рэзідэнтаў Беларусі навучанне на дыстанцыйных праграмах бясплатнае.
Для навучання ў дыстанцыйным фармаце ў вясновым семестры адкрыты 53 курсы па ўсіх кірунках навучання ва універсітэце: дызайн, медыя і камунікацыя, сучаснае мастацтва, турызм і рэкрэацыя, гісторыя Беларусі, паліталогія і еўрапейскія даследаванні, сацыяльная і палітычная філасофія, міжнароднае права. Выпускнікі дыстанцыйных курсаў атрымаюць пасведчанні і сертыфікаты ЕГУ, якія могуць быць улічаны пры паступленні на вочныя або завочныя бакалаўрскія праграмы ЕГУ або выкарыстаныя для падачы ў іншыя замежныя ВНУ, а таксама ў якасці пасведчання павышэння кваліфікацыі.
Навучанне ажыццяўляецца выключна праз Інтэрнэт; у адукацыйным працэсе выкарыстоўваюцца самыя сучасныя інфармацыйныя тэхналогіі і метады выкладання. Шэраг дысцыплін, такіх, як, напрыклад, «Геаграфія міжнароднага турызму і рэкрэацыі" або спецыяльная тэрміналогія па камунікатыўным дызайне, чытаюцца на замежных мовах: англійскай, нямецкай, французскай.
Падрабязная інфармацыя аб адукацыйных праграмах Еўрапейскага гуманітарнага універсітэта знаходзіцца на сайце ЕГУ па адрасе: www.ehu.lt.
Падведзены вынікі конкурсу метадычных матэрыялаў
3 лютага адбылося ўзнагароджанне пераможцаў конкурсу «Ноўтбук для актыўнага настаўніка».
Усе дасланыя на конкурс матэрыялы выдадзеныя на дыску.
Рэдакцыя сайта шчыра віншуе пераможцаў, а таксама выказвае падзяку асобам і арганізацыям, якія далучыліся да фармавання прызавога фонду, дзякуючы чаму кожны ўдзельнік атрымаў каштоўныя падарункі.
Фотарэпартаж з цырымоніі
Студэнцкая прэмія за мір
Студэнцкая прэмія за мір будзе ўручаная ў шосты раз у Нарвегіі ў 2009 годзе. Гэта адзіная ўзнагарода ў свеце ад студэнтаў і для студэнтаў. Існаваннем адзінай прэміі арганізатары жадаюць падкрэсліць важную ролю студэнтаў у барацьбе за мір, дэмакратыю і правы чалавека. Узнагарода прызначаная для лепшых студэнтаў, якія змагаюцца за мір і свае правы. Студэнцкая прэмія за мір разглядае кандыдатуры з усяго свету.
Кандыдатам павінны быць студэнт альбо студэнцкая арганізацыя, якія зрабілі адметны ўнёсак у развіцьцё дэмакратыі, мір і адстойванне правоў чалавека.
Пераможцаў вызначыць спецыяльная камісія са студэнтаў і значных асобаў Нарвегіі. Яны атрымаюць магчымасць пабываць у Нарвегіі і сустрэцца з важнымі людзьмі і арганізацыямі.
Прэзентацыю кандыдата дасылайце на адрас: nomination@studentpeaceprize.org
Апошні тэрмін падачы заяваў: 11 лютага 2008 году.
Больш поўную інфармацыю можна атрымаць на сайце www.studentpeaceprize.org
Паводле рассылкі VB.
Навучанне ў каледжах (абноўленая абвестка)
United World Colleges аб’яўляе конкурс на атрыманне бясплатных стыпендый на навучанне ў каледжах Італіі, Нарвегіі, Босніі і Герцэгавіны, Венесуэлы, а таксама дадатковых стыпендый для таленавітых музыкаў і фізікаў. Навучанне вядзецца на англійскай мове па сістэме Міжнароднага бакалаўрэата (International Bacalaureat, IB). Тэрмін навучання – 2 гады.
Чытаць падрабязней
Збор сродкаў на выданне выбраных твораў Рыгора Барадуліна
Кожны можа далучыцца да выдання кнігі «Выбраныя творы» Рыгора Барадуліна: выдавецтва «Кнігазбор» абвясціла збор сродкаў. Такім чынам атрымаецца надрукаваць кнігу хутчэй і па даступным кошце.
У кнігу ўвойдуць лепшая проза і паэзія Барадуліна, а таксама зробленыя ім пераклады з Уільяма Шэкспіра, Джорджа Байрана, Фэдэрыка Гарсія Лоркі ды іншых паэтаў.
Дзень Адчыненых Дзвярэй Амерыканскага Цэнтра ў Магілёве
7 лютага ў 16.00 адбудзецца «Дзень Адчыненых Дзвярэй Амерыканскага Цэнтра: праекты, магчымасці, кірункі дзейнасці" па адрасе Архірэйскі Вал Каніскага, 3–213. Падчас мерапрыемстваў будзе прадстаўленая інфармацыя аб прадстаўніцтве: місія, гісторыя стварэння, кірункі дзейнасці. Калі ласка, пацвердзіце свой удзел па тэлефоне 25 69 63 або электроннай пошце mogilev@amcenter.by
Паводле Amcenter.by
Урок, распрацаваны настаўніцай белаазёрскай школы Галінай Скарынай.
«Творчая асоба Ніны Мацяш. Лірыка кахання. Верш “Я Вас люблю»
Урок распрацаваны настаўніцай белаазёрскай школы Галінай Скарынай. Уключае ў сабе наступныя файлы:
– План урока (doc, 125 КБ)
– Прэзентацыя па творчасці Ніны Мацяш (ppt, 1,1 МБ)
– Да прэзентацыі прыкладаюцца гукавыя запісы:
«Разанаву» (wma, 485 КБ)
«Усмешка» (mp3, 4,4 МБ)
«Я Вас люблю» (wma, 1,4 МБ)
«Калыханка маме» (wma, 1,1 МБ)
«Забялела ночка» (mp3, 3,4 МБ)
Разважанні (wma, 500 КБ)
Спеў Ніны Мацяш (wma, 550 КБ)
Выстава «Маральна-прававое і сямейнае выхаванне, прафілактыка супрацьпраўных паводзін дзяцей і моладзі»
На базе Акадэміі паслядыпломнай адукацыі з 15 па 18 красавіка 2008 гады будзе праводзіцца ХI рэспубліканская выстава навукова-метадычнай літаратуры і педагагічнага досведу «Маральна-прававое і сямейнае выхаванне, прафілактыка супрацьпраўных паводзін дзяцей і моладзі».
Аўтарамі матэрыялаў, прадстаўляных на выставу, могуць быць супрацоўнікі органаў кіравання адукацыяй, педагогі вышэйшых, сярэдніх спецыяльных, прафесійна-тэхнічных, агульнаадукацыйных, дашкольных устаноў, устаноў пазашкольнага выхавання і навучання, спецыялісты метадычных службаў установаў адукацыі, спецыялісты інстытутаў падвышэння кваліфікацыі і перападрыхтоўкі кіравальных працаўнікоў, навукоўцы навукова-даследчых установаў, прадстаўнікі сродкаў масавай інфармацыі.
Паводле Міністэрства адукацыі
Беларускі настаўнік матэматыкі стварыў старонку ў Жывым Часопісе
Беларускі настаўнік матэматыкі стварыў старонку ў фармаце ЖЧ, якая адмыслова прысвечана эўрыстычнаму асяроддзю праграме Geometer’s Sketchpad (Жывая Геаметрыя). На сайце можна атрымаць вычарпальную інфармацыю пра ЖГ, увайсці ў дыялог з аўтарам і міжсобку. Аўтар прапануе калегам супольна ўкладаць серыі “адкрытых задач”, якія маюць падвысіць геаметрычную культуру школьнікаў ды іх зацікаўленне матэматыкай з дапамогай цудоўнай камп'ютэрнай праграмы.