Выйсце на інтэрнет-прасторы новага інфармацыйна-адукайнага сайта, бясспрэчна, не можа задаволіць усіх запатрабаванняў неабыякавых, здольных да рэфлексіі беларускіх педагогаў. Гэткая мэта, аднак і не ставілася. Галоўнае, каб мы разам змаглі выхаваць асобу не толькі адукаваную, але і тую, якая можа самастойна думаць, умее рабіць выбар, прымаць рашэнні і браць на сябе адказнасць за іх. Асобу, якая талерантна ставіцца да іншага меркавання і гатовая на супрацоўніцтва з іншадумцамі. Асобу, здольную інтэгравацца ў еўрапейскую і сусветную культурную, інфармацыйную і эканамічную прастору, якая не забывае пры гэтым сваю нацыянальную прыналежнасць.