Конкурс па захаванні культурнай спадчыны

Амбасада ЗША абвяшчае правядзенне конкурсу ў межах праграмы «Пасольскі Фонд па захаванні культурнай спадчыны» з мэтай дапамогі ў захаванні нацыянальнай культурнай спадчыны.

[1]

Пасольскі фонд прымае заяўкі на атрыманне гранта па наступных накірунках:


– Кансервацыя і рэстаўрацыя прадметаў і калекцый; стварэньне ўмоваў захавання альбо дэманстрацыі экспанатаў і калекцый; навучанне кансервацыі і рэстаўрацыі.


– Кансервацыя і рэстаўрацыя археалагічных і гістарычных аб’ектаў, помнікаў і сакральных месцаў; археалагічная разведка, дакументаванне.


– Кансервацыя і рэстаўрацыя вуснай народнай творчасці, музыкі, танцаў, абрадаў; дакументаванне і аўдыёзапіс.


Заяўкі прымаюцца на англійскай і беларускай (рускай) мовах і мусяць складацца наступным чынам:


1. Назва праекта

2. Мэта і задачы

3. Месца рэалізацыі

4. Агульнае апісанне праекта

5. Час рэалізацыі

6. Абгрунтаванне важнасці дадзенага культурнага аб’екта, калекцыі і г.д.


7. Абгрунтаванне неадкладнасці праекта


8. Дэталёвы бюджэт


9. Інфармацыя аб арганізацыі

10.Рэзюмэ кіраўніка праекта і супрацоўнікаў

11. Іншыя крыніцы фінансавання і суфінансавання, калі ёсць.

Апошні тэрмін падачы заявак – да 20 студзеня.

Заяўкі прымаюцца па адрасе: вул. Герцэна 2а, г. Мінск, 22030
Аддзел інфармацыі, адукацыі і культуры амбасады ЗША.


Эл. пошта: irc@usembassy.minsk.by [2] і ircinfo@usembassy.minsk.by [3], факс: (375) 17 211–03–84.