Апошні тэрмін падачы заявак – 20 сакавіка ўключна

Экалагічнае таварыства «Зялёная сетка» запрашае выкладчыкаў беларускіх ВНУ да ўдзелу ў трэнінгах Школы экалагічнага актывіста.

Мэта трэнінгаў для выкладчыкаў – прасоўванне ідэяў адукацыі для ўстойлівага развіцця, дапамога ў арганізацыі працы ў развіцці студэнцкіх экалагічных ініцыятыў у супрацы з грамадскімі экалагічнымі арганізацыямі.

Школа экалагічнага актывіста складаецца з трэнінгаў двух узроўняў.

Трэнінг пачатковага ўзроўню адбудзецца 26–27 сакавіка. У праграме:

- Тэорыя адукацыі для ўстойлівага развіцця: гісторыя, падыходы, змест.

- Прымяненне: арыентацыя на практыку, цэльнасць, каштоўнасці, арыентацыя на супрацу і вырашэнне праблем. Праектны падыход. Метадычнае забеспячэнне. Найлепшыя практыкі.

- Адміністрацыйны падмурак адукацыі для ўстойлівага развіцця ў Беларусі.

- Студэнцкая актыўнасць і грамадскія арганізацыі.

Па сканчэнні трэнінга першага ўзроўню найбольш зацікаўленыя і актыўныя ўдзельнікі змогуць удзельнічаць у трэнінгу другога ўзроўню. Гэта захапляльны тыднёвы інтэнсіўны практычны курс на прыродзе, магчымасць пазнаёміцца з прызнанымі экспертамі і актывістамі экалагічнага руху Беларусі і Расіі.

Анкету на ўдзел (спампаваць [1] 37 Kb) дасылайце на эл.адрас school.meister2010@gmail.com [2]