Калі вам скажуць, што існуе жывёльная электрычнасць, ці паверыце вы? А хочаце даведацца, як яно насамрэч? Тады прыходзьце у пятніцу 15 мая ў Галерэю TUT.BY!

15 мая ладзіцца чарговая лекцыя па-беларуску ад “Знайдзі сваіх [1]” пры падтрымцы TUT.BY. Гэтым разам гаворка пойдзе пра такіх фізікаў, як Гальвані і Вольта, іх жыццё, вынаходніцтвы і невыпадковыя выпадковасці. Просты і цікавы расповед пра знакамітых фізікаў рыхтуе кандыдат фізіка-матэматычных навук Уладзімір Калясенка разам з навуковым супрацоўнікам Рыгорам Русецкім. Вы зможаце не толькі пабачыць відэа цікавых эксперыментаў, але і паўдзельнічаць у некаторых з іх самі.

У дадатак распавядзем цікавосткі пра адзінкі вымярэння — вольт, ампер ды ом; даведаемся, што такое гальванаметр і для чаго ён прызначаецца.

Нясумная навука ў цікавых эксперыментах і захапляльных дыскусіях — яшчэ і на беларускай! Усіх чакаем а 19-й гадзіне ў пятніцу, 15 мая ў Галерэі TUT.BY [2] ( пр-т. Дзяржынскага, 57, 9-ы паверх — ст.м. Міхалова, БЦ Omega Tower). Уваход вольны!

tut.by [3]