Еўрапейскі гуманітарны ўніверсітэт (ЕГУ) запрашае навучэнцаў школ, гімназій, ліцэяў і каледжаў, а таксама ўсіх зацікаўленых прыняць удзел у традыцыйным бясплатным адукацыйным варкшопе «Дзень з ЕГУ», які адбудзецца ў Мінску 15 красавіка.

У час мерапрыемства старшакласнікі змогуць прыняць удзел у дыскусіях і атрымаць навыкі па самых актуальных напрамках у галіне гуманітарных і сацыяльных навук, якія прапануюцца да вывучэння на 5 бакалаўрскіх праграмах ЕГУ.

15 красавіка падчас «Дня з ЕГУ» перад удзельнікамі выступяць з адкрытымі лекцыямі выкладчыкі бакалаўрскіх праграм «Медыя і камунікацыя», «Сусветная палітыка і эканоміка», «Культурная спадчына і турызм", «Міжнароднае права і права Еўрапейскага саюза», а таксама будзе праведзены майстар-клас ад выкладчыкаў праграмы «Візуальны дызайн і медыя». Акрамя таго, вы зможаце задаць усе пытанні і атрымаць індывідуальныя кансультацыі аб паступленні, здачы іспытаў, вучобе ва ўніверсітэце і пражыванні ў Вільні ад супрацоўнікаў Рэктарскага офіса.

Важна! Анлайн-рэгістрацыя ўдзельнікаў адбываецца па спасылцы [1] да 14 красавіка.

«Дзень з ЕГУ» адбудзецца ў Міжнародным адукацыйным цэнтры імя Ё. Раў [2] у Мінску (па адрасе пр. газеты «Праўда» 11 [3], ст. м. Пятроўшчына).