ФЕСТЫВАЛЬ

“АКТЫЎНАЯ АЦЭНКА Ў ПРАКТЫЦЫ РАБОТЫ НАСТАЎНІКАЎ”

 

Паважаныя калегі!

 

Запрашаем прыняць удзел у фестывалі педагагічных ідэй “Актыўная ацэнка ў практыцы работы педагогаў устаноў агульнай сярэдняй адукацыі”

Фестываль арганізуецца цэнтрам прафесійнага развіцця і інавацыйнай адукацыі Дзяржаўнай установы адукацыі “Акадэмія паслядыпломнай адукацыі” ў адпаведнасці з Рэспубліканскім каардынацыйным планам мерапрыемстваў дадатковай адукацыі педагагічных работнікаў на 2018 год.

Тэрмін правядзення фестывалю – 14 чэрвеня 2018 года.

Мэта фестывалю: абмен педагагічным вопытам выкарыстання стратэгій актыўнай ацэнкі як сродка павышэння акадэмічнай паспяховасці, ўнутранай матывацыі, ацэначнай самастойнасці і адказасці вучняў за ўласнае навучанне.

          Да ўдзелу запрашаем педагагічных работнікаў, удзельнікаў дыстанцыйнага курса 2017/2018 г.,  метадыстаў,  кіраўнікоў  устаноў адукацыі, прадстаўнікоў грамадскіх аб’яднанняў і бацькоўскай грамадскасці.

          Тэматычныя напрамкі работы на фестывалі:

1. Мэтавызначэнне: прыняцце  вучнямі мэтаў навучання і крытэрыяў поспеху.
2. Арганізацыя ў класе дыскусій, выкарыстанне пытанняў і заданняў, якія даюць інфармацыю аб працэсе навучання ( “светлафор”,  рэфлексія, тэхнікі задавання пытанняў, ключавыя пытанні і інш).
3. Зваротная сувязь: інфармацыя якая дапамагае вучыцца.
4. Практыкі ўзаеманавучання (праца ў групах, парах, узаемаацэнка…)
5. Вучань як суб’ект працэсу ўласнага навучання (уцягванне вучня ў распрацоўку мэты, НаШтоБуЗУ, узаемаацэнка, самаацэнка, выбар, самастойнасць, ключавыя пытанні, сувязь ведаў з рэчаіснасцю, выкарыстанне выклікаў і праблемных пытанняў, вера ў магчымасці вучня…)

Фармат удзелу:

• правядзенне  майстар-класа па тэматычных напрамках фестывалю;
• урок для дарослых;
• прэзентацыя педагагічнай ідэі (актыўная ацэнка ў практыцы работы педагогаў);
• прэзентацыя метадычных распрацовак, сайта або праекта;
• свабодны ўдзел.

Майстар-класы/урок для дарослых:

• працягласць майстар-класа/урока для дарослых (з рэфлексіўным абмеркаваннем)  не павінна перавышаць 1 гадзіну 20 хвілін;
• тэматыка майстар-класаў павінна адпавядаць і раскрываць адзін з тэматычных напрамкаў фестывалю;

Прэзентацыя педагагічнага вопыту,  ідэі, стратэгіі;  дэманстрацыя відэафільма, метадычнага дапаможніка, сайта або праекта і г.д.:

• прэзентацыя не павінна перавышаць 20 хвілін;
• педагагічная ідэя  павінна адпавядаць тэматычнаму накірунку фестываля і аптымізаваць працэс  укаранення актыўнай ацэнкі ў адукацыйную практыку;

Дадатковая інфармацыя:

1. Фестываль пройдзе па адрасе: г. Мінск, вул. Някрасава, 20 [1]
2. Рэгістрацыя ўдзельнікаў з 9.00, пачатак работы фестываля ў 10.00.
3. Іншагароднім удзельнікам на час правядзення фестывалю прадастаўляецца інтэрнат недалека ад акадэміі па адрасе: г. Мінск, вул. Леаніда Бяды, 24. Кошт пражывання 2р.37 кап.
4. Удзел у фестывалі бясплатны.
5. Камандзіровачныя расходы за кошт камандзіруючай арганізацыі
6. арганізатары фестывалю пакідаюць за сабой права адбору майстар-класаў і прэзентацый.
7. Рэгістрацыя ўдзельнікаў фестывалю:

Патэнцыйныя ўдзельнікі павінны  зарэгістравацца не пазней за 25 мая 2018 года  па  спасылцы https://goo.gl/forms/N2pyLjj0S7RsHJvB3 [2]