Такое адчуванне, што ўлада апошнім часам робіць усё магчымае, каб пратэставыя настроі ў грамадстве не сціхлі: то людзей АМАП на мірнай акцыі паб’е, то судзяць гэтых пабітых, а не праваахоўнікаў, то кіраўніка каталіцкай царквы ў краіну не пусцяць, то журналістаў затрымаюць. Усё гэта дае падставы для ўсё новых акцый пратэсту, да якіх далучаюцца ўсё новыя і новыя часткі грамадства.

Чым адметная “псіхалогія сыходзячай улады” і ці можна так гаварыць пра дзейную беларускую ўладу? Новыя тэхналогіі і пратэставы рух Беларусі — ці ёсць падставы сцвярджаць, што беларусамі маніпулююць з-за мяжы? Ці гатовы беларускі рэжым дзеля захавання ўлады на вайну са сваім народам?

На гэтыя ды іншыя пытанні ў жывым эфіры Еўрарадыё [1] адказвае намеснік старшыні Экспертнай рады па сацыяльна-эканамічных, гуманітарных і сацыяльных навуках Дзяржаўнага камітэта па навуцы і тэхналогіях, эксперт Савета Еўропы, сябра Асацыяцыі псіхалагічных навук, прафесар Уладзімір Янчук.