Альхоўка-2015
XXVI метадычны летнік «Альхоўка» адбудзецца з 29 чэрвеня па 5 ліпеня 2015 г. Сёлетняя тэма летніка – «Фарміраванне медыяграматносці педагогаў і вучняў».
ДУА «Акадэмія паслядыпломнай адукацыі» пры падтрымцы Астравецкага аддзела адукацыі і Альхоўскай сярэдняй школы праводзіць аўтарскія курсы прафесара кафедры педагогікі і менеджменту адукацыі М.І. Запрудскага. (План павышэння кваліфікацыі і перападрыхтоўкі кадраў адукацыі ў 2015 годзе ДУА «Акадэмія паслядыпломнай адукацыі», зацверджаны загадам Міністэрства адукацыі Рэспублікі Беларусь ад 24.12.2014 № 981 [2].)
Прыем заявак: 21 – 31 мая 2015 г.
Тэма курсаў: «Фарміраванне медыяграматносці педагогаў і вучняў».
Мэта курсаў: павышэнне медыйнай граматнасці і метадычных уменняў удзельнікаў курсаў па яе фарміраванні ў вучняў.
Месца правядзення заняткаў: «зялены клас» на беразе р. Страча і кабінет інфарматыкі Альхоўскай школы.
Удзельнікі: толькі тыя настаўнікі, кіраўнікі школ, метадысты і выкладчыкі ІРА, якія загадзя дашлюць заяўкі і атрымаюць спецыяльныя запрашэнні. Пры гэтым педагогі, якія ўпершыню заявіліся ў летнік, будуць мець перавагі.
