Словы Генадзя Буракіна, музыка Васіля Раінчыка. Калыханка, якая шмат год гучала ў аднайменнай перадачы для самых маленькіх.

Спявае Ядвіга Паплаўская (mp3 [4])

Мінусоўка ў выкананні Юліі Шаровай (mp3 [5]) 

Доўгі дзень,
Цёплы дзень
Адплывае за аблокі.
Сіні цень,
Сонны цень
Адпаўзае ў кут далёкі.
Збеглі зайкі ўсе ў лясы.
Змоўклі птушак галасы.
І буслы ў гняздо схавалі
Свае доўгія насы.

Прыпеў:
Баю-бай, баю-бай,
Вачаняты закрывай. (2 разы)

Пакрысе
На расе
Патухаюць зоркі-сплюшкі.
Гулі ўсе,
Казкі ўсе
Пахаваны пад падушкі.
Спяць і мышкі, і стрыжы.
Спяць машыны ў гаражы
Ты таксама
Каля мамы
Ціха-ціхенька ляжы.

Прыпеў:
Баю-бай, баю-бай,
Вачаняты закрывай. (2 разы)