Гэты дапаможнік распрацаваны як практычны мануал для трэнераў па медыяпісьменнасці, якія, у сваю чаргу, будуць праводзіць трэнінгі для грамадзян розных узроставых груп і прафесій. Аўтары дапаможніка упэўненыя, што толькі праз веды і навыкі па медыяпісьменнасці, грамадзяне змогуць стаць больш устойлівымі да дэзінфармацыі, супрацьстаяць маніпуляцыям і быць больш моцнымі ва ўмовах інфармацыйнай вайны.
Мэта гэтага матэрыялу - даць базавыя веды і навыкі ў сферы медыя, азнаёміць грамадзян з найбольш распаўсюджанымі відамі маніпуляцый і прапаганды, а таксама надзяліць іх базавымі інструментамі праверкі інфармацыі і крытычнага мыслення. Галоўнная задача гэтай дапамогі заключаецца не ў тым, каб сказаць якімі СМІ трэба карыстацца (што чытаць ці глядзець), а навучыць грамадзян не трапляць пад уплыў прапаганды, дапамагчы ім не стаць ахвярамі маніпуляцый, якія вядуць да панікі, нянавісці і розных страхаў.
Чакаецца, што пасля такога трэнінгу ўдзельнікі будуць больш свядомымі медыяспажыўцамі, будуць ведаць, як правяраць сумнеўную інфармацыю і фармаваць попыт на больш адказную і праўдзівую журналістыку.
Агульныя вынікі навучання
Грамадзяне, якія будуць удзельнічаць у гэтым трэнінгу, змогуць:
- Зразумець галоўныя прынцыпы работы медыя, прааналізаваць сваю медыяпрастору і навучыцца больш свядома падыходзіць да пытанняў медыяспажывання;
- Усвядоміць механізм уплыву медыя і перайсці да селектыўнасці ўспрымання інфармацыі;
- Навучыцца больш выразна вызначаць прапаганду, фэйкі і маніпуляцыі ў медыя, каб не падпасці пад іх уплыў, а таксама азнаёмяцца з практычнымі маркерамі і інструментамі, якія будуць дапамагаць ім у гэтым;
- Развіць навыкі крытычнага мыслення і аналізу інфармацыі, якую атрымліваюць з розных тыпаў медыя;
- Даведацца аб механізме і наступствах выкарыстання стэрэатыпаў і мовы нянавісці ў медыя, навучыцца распазнаваць такога роду маніпуляцыі

Дапаможнік выдадзены пры ўдзеле Акадэміі ўкраінскй прэсы і размешчаны на сайце арганізацыі.  [3]

Дадатковая старонка, дзе можна спампаваць мануалы на рускай, украінскай і англійскай мовах і ўсе дадаткі да іх, знаходзіцца ТУТ [4].