Усе мы памятаем, што бягучую мадэль функцыянавання гімназій крытыкавалі на мінулым Рэспубліканскім педсавеце на розных узроўнях.

 

І, калі верыць словам Міністра адукацыі, у перспектыве ў гімназіях будуць выкладаць па агульным стандартам у рамках пачатковага і базавага ўзроўняў: з 5 па 9 клас. А гімназічны, павышаны ўзровень, павінен быць на трэцяй ступені агульнай сярэдняй адукацыі - 10-11 клас.

 

Але вынікі выпускнікоў гімназій на ЦТ-2017 у Мінскай вобласці ў паўтара раза вышэй за вынікі выпускнікоў сярэдніх школ.

Узнікае пытанне наконт дарэчнасці крытыкі ў адрас гімназій і мэтазгоднасці агучаных зменаў.

 

Бо гімназіі, худа-бедна, афіцыйна пачынаючы з 5-га класа, а фармальна - з 4-га, вядуць працу па падрыхтоўцы вучняў да паступлення. А цяпер яны павінны паказаць той жа вынік не за 7 гадоў, а за 2 гады?

 

Ці ёсць сэнс у такіх зменах? Можа варта задумацца над зменамі для сярэдняй школы?

Глядзіце статыстыку ЦТ тут. [2]