Шаноўныя настаўнікі! Давайце разам створым інтэрактыўную мапу беларускіх устаноў адукацыі, дзе практыкуецца стратэгія актыўнай ацэнкі (Formative assessment, або АА).
 

Прыняць удзел можна проста: заходзіце сюды [2], клікаеце на «Дадаць маркер», выбіраеце на мапе ваш горад або мястэчка і далучаеце яго.

 

Як вядома, актыўная ацэнка – тэхналогія навучання, заснаваная на якаснай зваротнай сувязі. Гэта інтэрактыўная ацэнка прагрэсу вучня і яго разумення матэрыялу такім чынам, каб можна было абазначыць, як вучань будзе вучыцца далей і якімі метадамі яго лепш вучыць. Іншымі словамі, актыўная ацэнка – гэта прадстаўленне інфармацыі, якая дапамагае школьніку вучыцца.

 

У стратэгіі актыўнай ацэнкі ёсць некалькі асноўных элементаў: пастаноўка мэт, вызначэнне крытэрыяў дасягнення мэты, узаемадзеянне з бацькамі, ключавыя пытанні, зваротная сувязь, узаемаацэнка і самаацэнка. Апошняе - гэта паказчыкі, дзякуючы якім настаўніку і вучню будзе бачна, у якой меры атрымалася дасягнуць мэты ўрока.

 

Галоўная асаблівасць АА ў тым, што яна не разглядае ацэньванне як кантроль, а дазваляе эфектыўна матываваць вучняў, прымушае іх браць на сябе адказнасць за сваё навучанне. Пры гэтым выкарыстанне стратэгіі актыўнай ацэнкі не патрабуе змяненняў у навучальнай праграме. Больш прачытаць пра актыўную ацэнку можна тут [1].