Калекцыя выяваў гербаў на запалкавых скрынках як спосаб даведацца больш пра беларускія гарады і мястэчкі
Дар’я Касякова, настаўніца гісторыі гімназіі №34 г. Мінска, падзялілася цікавым медыяадукацыйным кейсам [4]. На запалкавых скрынках змешчаны гербы беларускіх гарадоў і мястэчак. Вось заданне для вучняў: трэба дэкадаваць, згрупаваць і лакалізаваць на карце гербы, якія адлюстроўваюць:
- прызначэнне гарадоў (абарона, напрыклад);
- насельніцтва гарадоў (напрыклад, паўмесяц – татарская абшчына ў горадзе, мусульмане);
- заняткаў гараджан (напрыклад, шалі – цэнтр гандлю, ганчарныя вырабы – рамёствы).
Дарʼя Касякова выкарыстала такі прыем у 7-8 класах пры вывучэнні гарадскога жыцця ў Рэчы Паспалітай (гарада, мястэчкі, Магдэбурга і г.д.) і ў 9 класе пры вывучэнні прамысловасці ў XIX- XX ст.-ст.
Фота: Дарʼя Касякова
Чаму карысна працаваць з выявамі гербаў? Настаўніца лічыць, што гэта дапаможа ў дасягненні:
- Адукацыйных мэтаў – дзеці даведаюцца, якія гарады ёсць у Беларусі.
- Выхавання патрыятызму і пачуцця гонару – апынулася, што Беларусь такая цікавая, культурна багатая і розная.
Nastaunik.info дзякуе Дар’і Касяковай за цікавы адукацыйны прыём і папярэджвае пра неабходнасць тлумачэння вучням базавых правіл абыходжання з запалкамі, перш чым збіраць сваю калекцыю беларускіх гарадоў і мястэчак.
Малюнак:
