Памяткі для работы з медыятэкстамі ў скарбонку медыяадукатара
Памяткі для работы з медыятэкстамі ў скарбонку медыяадукатара
Алена Палейка, метадыст па гісторыі і грамадазнаўстве НІА
Ілюстрацыя: уводная інфаграфіка да § 20. Медыякультура сучаснага грамадства (с. 182)
Вядома, што фарміраваннем медыяінфармацыйнай пісьменнасці вучняў неабходна займацца на ўсіх вучэбных прадметах і ў пазаўрочнай дзейнасці. Вучэбным прадметам з самым вялікім медыяадукацыйным патэнцыялам лічыцца “Грамадазнаўства”, таму што там галоўным аб’ектам увагі з’яўляецца сучаснае грамадства і чалавек у гэтым грамадстве (паняцці, працэсы, тэндэнцыі). Навукоўцы канстатавалі пачатак эры інфармацыйнага грамадства і адзначылі вялікую ролю ў ім медыя.
Звяртаем увагу на памяткі для работы з медыятэкстамі, якія прапануюцца ў новым вучэбным дапаможніку па грамадазнаўстве для 9 класа пад рэд.А.М.Данілава. Памяткі ўніверсальныя і могуць выкарыстоўвацца ў адукацыйным працэсе па ўсіх вучэбных прадметах, для правядзення інфармацыйных і класных гадзін, семінараў і трэнінгаў па медыякампетэнтнасці для настаўнікаў.
|
|
|
Мэтазгодна размясціць памяткі пад кюар-кодамі - пасля адкрыцця памяткі на смартфоне вучні могуць захаваць яе на сваю прыладу і выкарыстоўваць у далейшым не толькі на ўроках, але і ў паўсядзённым жыцці. Можна скарыстацца бясплатнымі сэрвісамі генератараў кюар-кодаў і стварыць карткі для хуткага доступа да памятак на гаджэтах ці раздрукаваць іх і выкарыстоўваць як раздаткі на занятках.
Крыніцы:
Грамадазнаўства. Вучэбны дапаможнік для 9 класа ўстаноў агульнай сярэдняй адукацыі з беларускай мовай навучання. Пад рэд.А.М.Данілава. - Мінск: Адукацыя і выхаванне, 2020
