Набліжаецца трагічная дата ў гісторыі Беларусі "Ноч паэтаў": у ноч з 29 на 30 кастрычніка 1937 года ў сутарэннях мінскай унутранай турмы НКУС былі расстраляныя 108 дзеячаў культуры, мастацтва і навукі, а таксама грамадскіх дзеячаў БССР. Сярод іх 22 літаратары: паэты, празаікі, перакладчыкі, крытыкі. Самаму старэйшаму з забітых, празаіку і публіцысту Янку Нёманскаму, споўнілася 47 год, а сярод самых маладых – паэт і перакладчык Юлій Таўбін (26 год), літаратурны крытык Пётр Хатулёў (25 год), педагог і школьны настаўнік Іван Жылуцкі (25 год). У гэтыя дні рэпрэсіі перыяду 1937-1938 у СССР дасягнулі ў Беларусі свайго піку. Невінаватасць большай часткі з іх была потым прызнаная савецкімі судамі. Расстрэл 29.10.1937 стаў самай трагічнай кропкай хвалі рэпрэсій супраць нацыянальнай інтэлігенцыі Беларусі.

Кнігі і рэсурсы, дзе можна знайсці звесткі пра расстраляных літаратараў:

• Выбраныя творы Алеся Дудара (уся кніга анлайн) [3].
• Пераклады вершаў Юлія Таўбіна на мовы свету [4]
• «Уладзімір Дубоўка. Ён і пра яго» [5], уся кніга ў вольным доступе, гэта каму трэба пра эпоху і людзей глыбей.
• На хвалі часу, у плыні жыцця. Віртуальны праект, прысвечаны аб’яднанню «Маладняк» [6]: вялікая колькасць музейных і бібліятэчных рэдкасцяў, біяграфіі, зборнікі, фоты (шмат).
• Праект (Не)расстраляныя [7]: біяграфічныя матэрыялы, спасылкі на вершы – трэба толькі націснуць іконкі пад партрэтамі, гэта гіперспасылкі. Таксама на сайце музычны альбом на вершы расстраляных паэтаў, створаны беларускімі музыкамі. Там жа на асобнай ўкладцы – лекцыі па кожным з паэтаў.
• Купалаўская варта, [8] ёмісты і маштабны праект з вершамі і расповедамі пра паэтаў.
• Курс «(Не) расстраляная паэзія» [9] Уваскрэсіць з нябыту імёны беларускіх літаратараў – галоўная ідэя праекта “(Не) расстраляная паэзія”.
• «Жывыя партрэты» паэтаў 20-х. [10]

Больш інфармацыі на Ноч паэтаў [11]