MediaToоlkit [4] - гэта скарбонка практыкаванняў для развіцця медыяпісьменнасці. Яе ствараюць настаўнікі, медыяпедагогі, журналісты. У скарбонку трапляюць тыя практыкаванні, якія дапамагаюць настаўнікам на прыкладзе медыятэкстаў патлумачыць вучням змест урока, а разам з тым даюць адказ на шмат іншых пытанняў, важных для жыцця ў інфармацыйным грамадстве. Як адрозніць фэйк ад праўды? Як праверыць надзейнасць крыніц інфармацыі? Ці можна давяраць рэкламе? Чаму адна і тая ж падзея выклікае розную рэакцыю ў людзей? Што рабіць, калі цябе троляць? Як не заблытацца ў сацыяльных і не стаць ахвярай кібербулінгу?

Спецыяльныя фільтры дазваляюць знайсці практыкаванні для розных прадметаў і ўзросту навучэнцаў. Акрамя таго, адмысловыя тэгі дапамогуць адабраць заданні паводле скарыстанага метаду, медыякампетэнцыі. Аўтары практыкаванняў падабралі цікавыя для дзяцей прыклады, падрыхтавалі іншыя дапаможныя матэрыялы для заняткаў: карысныя спасылкі, публікацыі ў СМІ і метадычныя рэкамендацыі для калег. Урокі, класныя і інфармацыйныя гадзіны, выхаваўчыя мерапрыемствы з медыяадукацыйным зместам дапамагаюць развіць крытычнае мысленне і засвоіць практычныя навыкі бяспечнага і адказнага карыстання медыйнай прасторай. Дасылайце нам вашыя практыкаванні і прапановы на адрас: nastaunik.info@gmail.com [5] Сачыце за навінамі ў нашай суполцы ў Facebook «Медыяадукатар»: https://www.facebook.com/groups/medyaadukatar/ [6]