Семінар

Запрашаем на семінар "Інтэрактыўныя метады выкладання ў вышэйшай школе".
25 лютага 2008 г. пачынае працу семінар «Трэнерскі практыкум», які мае на мэце працягнуць традыцыю аб'яднання і развіцця трэнерскай супольнасці. Удзельнікі семінара будуць мець магчымасць не толькі абмеркаваць актуальныя тэмы і праблемы, звязаныя з дызайнам праграм семінараў, курсаў, трэнінгаў, але і знайсці спосабы пераадолення цяжкасцяў, якія ўзнікаюць у трэнерскай практыцы.
Мяркуецца, што семінар будзе праходзіць адзін раз у месяц (тэма, спосабы працы, а таксама час і месца кожнай наступнай сустрэчы будуць усталёўвацца з улікам пажаданняў удзельнікаў). Працягласць кожнай сустрэчы – дзве астранамічныя гадзіны.
Першая сустрэча адбудзецца 25 лютага 2008 году. Тэма: Абмеркаванне задумы семінара "Інтэрактыўныя метады выкладання ў вышэйшай школе".
Вядзе семінар – Зміцер Губарэвіч.
Пачатак семінара ў 17.30. Месца правядзення: вул. Маскоўская, 15, п. 720 (Цэнтр праблем развіцця адукацыі БДУ, ст. метро "Інстытут культуры", будынак Рэспубліканскага інстытута вышэйшай школы).
Запрашаем прыняць удзел у семінары трэнераў сферы нефармальнай адукацыі, выкладчыкаў, аспірантаў, магістрантаў.
Пацвердзіць свой удзел у працы першага семінара Вы можаце да 24 лютага, выслаўшы ліст па адрасе zmic_mail@tut.by з пазнакай «Семінар «Трэнерскі практыкум». За дадатковай інфармацыяй звяртацца да Зміцера Губарэвіча па тэл. 8 029 644 35 40 альбо e-mail zmic_mail@tut.by