Летнія школы па правах чалавека і моладзі ў Вільні

Беларуская праваабарончая школа, арганізаваная міжнароднай супольнасцю праваабарончых арганізацыяў, абвяшчае конкурс на ўдзел у Летніх школах па правах чалавека на 2010 год.


У межах праграмы Школы ўдзельнікі азнаёмяцца з гісторыяй і філасофіяй правоў чалавека, а таксама сродкамі іх абароны на нацыянальным і міжнародным узроўнях.


Выкладчыкамі Школы будуць прадстаўнікі вядучых праваабарончых арганізацыяў Беларусі ды іншых краінаў, вядомыя і аўтарытэтныя спэцыялісты ў галіне правоў чалавека і права.


Месца правядзеньня: Літва, Вільня.


Тэрміны правядзення летніх Школаў па правах чалавека:

Школа 1: 2–10 ліпеня (заяўкі прымаюцца да 6 чэрвеня ўключна).

Школа 2: 11–19 ліпеня (заяўкі прымаюцца да 13 чэрвеня ўключна).


Школа 3: 23–31 ліпеня (заяўкі прымаюцца да 20 чэрвеня ўключна).


Школа 4: 1–9 жніўня (заяўкі прымаюцца да 27 чэрвеня ўключна).


Удзел у занятках і навучальныя матэрыялы бясплатныя. Арганізатары кампенсуюць выдаткі на аплату візаў і страхавых полісаў, праезд, пражыванне і харчаванне ўдзельнікаў.


Да ўдзелу запрашаецца беларуская моладзь, зацікаўленая ў набыцці ведаў у галіне правоў чалавека (узрост: ад 18 да 25 год). Кожная група будзе сфармаваная з 18–22 удзельнікаў.

Каб прыняць удзел, неабходна запоўніць рэгістрацыйную форму, якая знаходзіцца па спасылцы: http://spring96.org/be/note/33867/ і даслаць яе не пазней за вызначаны тэрмін на адрас: belschool@gmail.com. Пажадана прадставіць рэкамендацыйны ліст ад праваабарончай ці іншай грамадзкай арганізацыі, з якой супрацоўнічае кандыдат, з месца працы ці вучобы.


Пра вынікі конкурсу ўсе прэтэндэнты будуць праінфармаваныя цягам трох дзён пасля заканчэння адбору.


УВАГА! ПАТРАБАВАННІ ДА ПАШПАРТОЎ:

тэрмін дзеяньня пашпартоў прэтэндэнтаў мусіць быць на 3 месяцы болей, чым тэрмін заканчэння адпаведнай Школы; у пашпарце мусяць быць дзве чыстыя старонкі з адзнакай “візы”; пашпарт мусіць быць выдадзены цягам апошніх 10 гадоў.


З дадатковымі пытаньнямі звяртайцеся да Тацяны Рэвяка па адрасе: belschool@gmail.com


Паводле spring96.org