«Пятровіца 2012»: Летняя танцавальная школа

7 – 12 ліпеня

Пачалася рэгістрацыя ўдзельнікаў летняй танцавальнай школы «Пятровіца 2012».

Школа ладзіцца другі раз ў межах рэгіянальнага фэсту традыцыйнай культуры «Пятроўскі фэст 2012», які сёлета будзе складацца з 2-х частак:

1) 07.07 – 11.07 – летняя танцавальная школа «Пятровіца»;
2) 12.07 – рэканструкцыя каляндарна-абрадавага свята «Пятрок» ды гасцявога кірмаша «На Петрака»

У праграме:

1) Вучыць танцаваць «правільна» будзе Сяргей Выскварка – спецыяліст традыцыйнага танцавальнага этыкету, традыцыйнай манеры выканання, мастацкі кіраўнік фальклорнага калектыву «Верабейкі» (г. Любань).

У вас будзе выдатная магчымасць палепшыць свае танцавальныя здольнасці, даведацца больш новага і цікавага пра танцы, іх варыянты ды паходжанне.

Сёлета арганізатары вырашылі аздобіць кола дадатковых мерапрыемстваў сюрпрызамі. Але без пячэння хлеба і спеўна-танцавальных вечарынаў з аўтэнтычнымі гуртамі нам нікуды!

Спяшайцеся адпачыць ад гарадскога тлуму ў полі, лузе, лесе, на рацэ.

2) Завяршэннем танцавальнага навучання будзе ўдзел у рэканструкцыі каляндарна-абрадавага свята «Пятрок». Запрашаем усіх ахвочых!

Запісацца ў танцавальную школу можна, даслаўшы на адрас nastaluban1@rambler.ru заяўку:

1) імя і прозвішча,
2) тэрмін находжання на фэсце,
3) нумар тэл.,
4) дзеці разам з вамі (імя і ўзрост),
5) наяўнасць намёта (калі ёсць дадатковы – на колькі чал. дадаткова),
6) наяўнасць спальніка (калі ёсць – дадатковыя),
7) калі транспарт свой, то колькі дадаткова чалавек можаце ўзяць,
8) ці згодныя ехаць з Мінску на спец.маршрутцы 07.07 недзе а 13.00 (кошт 50 000 руб.).

Што трэба для ўдзелу?

- выдатны настрой,
- жаданне вучыцца,
- дзіцячае захапленне жыццём,
- зручны абутак,
- народны СТРОЙ!!!
- захапленне спадарыняй Мовай ))

Як дабрацца?

1) на маршрутцы па замове (у сярэднім 50 000 руб. у адзін бок і 2 гадзіны дарогі);
2) на электрычках Мінск-Асіповічы-Урэчча (далей маршрутка па замове);
3) на ўласным транспарце;
4) спынам.
Транспартная камунікацыя развітая добра, прыехаць і з’ехаць можна ў любы час, калі папярэдне замовіць месца ў маршрутцы.

Дзе жыць?

1) ў намётах (калі вы іх з сабой возьмеце);
2) на сенавале;
3) у хатах вясковых жыхароў.

Што есці?

Фуа-гра не будзе, але накормім смачна і дастаткова. Толькі давядзецца скласціся на прадукты з разліку 30 000 руб. на дзень.

Спіс неабходных рэчаў (для ўдзельнікаў школы):

- строй на свята!!! Ці хоць бы элементы;
- зручны абутак для заняткаў танцамі;
- дзяўчатам – спадніцы;
- міска, лыжка, кубак;
- вуды (калі ёсць);
- нешта падсілкавацца на субботу (вячэра будзе толькі а 20.00);
- спальнікі і намёты. Тыя, хто едзе на машынах, вазьміце посцілкі з сабой (каб можна было сесці на свяце ў вечары).
- Падчас свята Пятровіцы дзяўчаты і жанчыны ахвяравалі крыжу рушнікі, стужкі, паясы... І загадвалі самыя патаемныя жаданні. Дзяўчаты, вазьміце што з сабой. )))

Увага! Колькасць месцаў для навучання ў танцавальнай школе абмежаваная!

Па дадатковую інфармацыю звяртайцеся, калі ласка, да Настассі +375 29 8425789

Больш інфармацыі можна знайсці тут:
http://vk.com/club37907042

Дадатковая інфармацыя пра арганізатараў:
http://vk.com/club20929114 – узорны фальклорны ансамбль«Верабейкі»
http://vk.com/club34196578 – танцавальная школа «Вераб’іны клуб»
http://vk.com/event38664326 – акцыя «Лявоніха на 100 пар»

http://minpraud.by/articles.php?id=12421 – артыкул пра леташнюю Пятровіцу ў Шыпілавічах