Фонды Амбасады Нідэрландаў для Беларусі – 2013

Апошні тэрмін – 15 красавіка 2013 г.

Амбасада Нідэрландаў абвясціла на 2013 г. дзве праграмы падтрымкі грамадзянскай супольнасці ў Беларусі: Праграма Малых Праектаў Амбасады (Фонд МАТРА) і Фонд Правоў Чалавека. Дэдлайн для першага раўнда адбору па абедзвюх праграмах – 15 красавіка 2013 г. Амбасада мае права пашырыць памер грантаў максімум да 25 000 еўра.

Заяўка павінна быць складзеная паводле патрабаванняў Фонду Матра і Фонду Правоў Чалавека; праектная дзейнасць павінна быць шчыльна звязаная з мэтамі гэтых фондаў.

I. Фонд МАТРА

Каб быць падтрыманым у межах праграмы МАТРА, праект мусіць спрыяць развіццю працэсу трансфармацыі Беларусі ў плюралістычную, дэмакратычную краіну шляхам крокаў па стварэнні больш моцнай і разнастайнай грамадзянскай супольнасці.

Прыклады дзейнасці, якая можа быць падтрыманая:

- Ініцыятывы, якія спрыяюць узмацненню закону ў галіне абароны правоў чалавека, абароны меншасцяў, навакольнага асяроддзя і прасоўвання ідэі грамадскага ўдзелу ў справах мясцовага кіравання і г.д.;
- Ініцыятывы, скіраваныя на ўзмацненне магчымасцяў недзяржаўных установаў па пашырэнні іх колаў падтрымкі;
- Ініцыятывы, якія ўзмацняюць ролю незалежных СМІ; іннавацыйныя адукацыйныя і мастацкія ініцыятывы, звязаныя з працэсам трансфармацыі да плюралістычнага, дэмакратычнага грамадства.

на poland.nlembassy.org

II. Фонд Правоў Чалавека

Галоўнай мэтай Фонду Правоў Чалавека з’яўляецца падтрымка ініцыятыў, якія спрыяюць выкананню фундаментальных прынцыпаў свабоды і абароны правоў групаў людзей, якія з’яўляюцца ахвярамі дыскрымінацыі.

У мэтах падтрымкі стратэгічнага актыўнага ўдзелу ў выкананні Правоў Чалавека дадзеная праграмная прапанова ў 2013 г. вызначае наступныя прыярытэтныя сферы:

- Абарона Правоў Чалавека
- Свабода слова і свабода інтэрнэту, разам са свабодай прэсы
- Меншасці (правы жанчынаў, ЛГБТ)
- Карпаратыўная Сацыяльная Адказнасць

на poland.nlembassy.org

Паводле рассылкі Асамблеі НДА belngo.info