Апошні тэрмін – 28 ліпеня 2014 г.
Міжнародны дабрачынны фонд «Акадэмія ўкраінскай прэсы», Інстытут інавацыйных тэхналогій і зместу адукацыі Міністэрства адукацыі і навукі, моладзі і спорту Украіны запрашаюць педагогаў і навучэнцаў, зацікаўленых у развіцці медыяпісьменнасці, да ўдзелу ў тэматычнай летняй школе.
Летняя медыяшкола для ўкраінскіх і беларускіх педагогаў і навучэнцаў будзе праходзіць 10 – 15 жніўня 2014 г. у навучальным комплексе Зялёная буча пад Кіевам.
У праграме школы – лекцыі, майстар-класы, прэзентацыі па методыцы выкладання медыяадукацыі, а таксама практычная частка (выданне папяровай і анлайн-версіі вучнёўскай газеты).
Беларуская група будзе складацца з 7 педагогаў і 13 вучняў старэйшых класаў / студэнтаў малодшых курсаў.
Дарога, пражыванне і навучанне – за кошт арганізатараў.