Апошні тэрмін – 21 кастрычніка 2014 г.
Таварыства беларускай школы і сайт «Nastaunik.info», пры падтрымцы іншых адукацыйных арганізацый, запрашаюць настаўнікаў, бібліятэкараў, адукатараў на семінар-практыкум «Фарміраванне сацыяльна-значных каштоўнасцей жыцця ў школьнікаў сродкамі тэхналогіі развіцця крытычнага мыслення і актыўнай ацэнкі» адбудзецца 25 – 26 кастрычніка ў Мінску.
Тэматыка семінара будзе сканцэнтравана вакол тэмаў сацыяльнай справядлівасці, каштоўнасці жыцця, пазбягання агрэсіі ды стварэння добразычлівай, спрыяльнай для развіцця і навучання атмасферы.
У якасці трэнераў і экспертаў у семінары будуць удзельнічаць педагогі і прадстаўнікі беларускіх і міжнародных арганізацый.
Удзельнікі семінара атрымаюць камплекты інфармацыйна-метадычных матэрыялаў.
Удзел у семінары – бясплатны. Арганізатары забяспечваюць пражыванне, харчаванне і кампенсацыю праезду ўдзельнікаў.