15 мая пачалося правядзенне пілотнага этапу міжнароднага даследавання якасці адукацыі PISA 2018. Пра гэта паведамляе прэс-служба Украінскага цэнтра ацэньвання якасці адукацыі.

Пілотны этап даследавання з'яўляецца падрыхтоўкай да асноўнага этапу правядзення, які адбудзецца ў 2018 годзе. Мяркуецца, што ў ходзе пілотнага даследавання будзе праверана, як працуюць інструменты даследавання ва Украіне, апрабаваная працэдура адміністравання, тэхналагічныя схемы падрыхтоўкі і правядзення даследавання ў навучальных установах.

У падрыхтоўчым этапе правядзення PISA 2018 прымуць удзел каля 2000 навучэнцаў і студэнтаў з больш сарака навучальных устаноў.

Удзельнікі будуць праходзіць тэставанне па чытанню, матэматыцы і прыродазнаўчых навук, а таксама прымуць удзел у анкетаванні. З прыкладамі заданняў можна азнаёміцца на афіцыйным сайце PISA-2018 у Украіне .

«Вынікі асобных вучняў / студэнтаў і навучальных устаноў як пілотнага, так і асноўнага этапаў даследавання з'яўляюцца канфідэнцыйнымі. Яны не будуць апублікаваны, а будуць выкарыстаны для ацэнкі паспяховасці ўдзельнікаў даследавання. Першыя вынікі, а таксама міжнародная і нацыянальная справаздачы PISA 2018 будуць апублікаваныя ў снежні 2019 года, пасля правядзення асноўнага этапу даследавання».

Пілотны этап міжнароднага даследавання якасці адукацыі PISA працягнецца да 31 мая.

Каментар Nastaunik.info
Беларусь, як і Украіна, плануе ўпершыню далучыцца да міжнародных даследаванняў PISA ў 2018 г. Нам не ўдалося знайсці у адкрытых крыніцах падрабязнай інфармацыі пра ход падрыхтоўкі Беларусі да гэтай важнай падзеі. Прапануем настаўнікам наведаць адмысловы ўкраінскі сайт http://pisa.testportal.gov.ua/, дзе выкладзены патрабаванні, прыклады заданняў,  структура тэстаў, навіны, прагнозы і шмат карыснай для настаўніка інфармацыі. Дзякуй суседзям, што яны даюць доступ да практычных матэрыялаў, якія дапамогуць падрыхтаваць да тэстаў і беларускіх вучняў.