Заяўкі прымаюцца да 10 ліпеня.
ЕPAM Systems сумесна з асацыяцыяй "Адукацыя для будучыні" арганізуюць і праводзяць летнюю адукацыйную праграму для дзяцей 12-14 гадоў з Магілёўскай вобласці, у якіх няма магчымасці наведваць курсы, гурткі, факультатывы па ІТ-тэматыцы ў плыні навучальнага года.
"Junior Ignite Camp" - гэта сацыяльны адукацыйны праект для школьнікаў, якія цікавяцца ІТ-тэматыкай і тэхнічнай творчасцю, але якія маюць розныя цяжкасці ці бар'еры (геаграфічныя, фінансавыя, сацыяльныя) ў рэгулярным наведванні такіх заняткаў ва ўстановах дадатковай адукацыі.
-
Калі будзе праходзіць адукацыйны праект "Junior Ignite Camp"?
"Junior Ignite Camp" пройдзе з 9 па 17 жніўня 2019 года.
-
Што будзе адбывацца падчас правядзення адукацыйнага праекта "Junior Ignite Camp"?
Праект "Junior Ignite Camp" створаны для навучання дзяцей ва ўзросце ад 12 да 14 гадоў у сферы інфармацыйных тэхналогій (праграмавання і робатабудавання). Акрамя заняткаў у тэхнічных галінах праект накираваны на вывучэнне замежных моў і развіццё сацыяльных навыкаў (soft skills).
Такім чынам навучанне ў летніку складаецца з трох адукацыйных блокаў:
- ІТ-блок;
- моўнай блок;
- блок soft skills.
Акрамя абавязковых адукацыйных блокаў дзеці могуць прымаць удзел у розных майстар-класах, экскурсіях, спартыўных спаборніцтвах, творчых конкурсах і віктарынах.
Падлеткаў чакае 7 дзён актыўнай вучобы, першы і апошнія дні - арганізацыйныя. Акрамя навучальных блокаў прадугледжаны прафарыентацыйныя, пазнавальныя, забаўляльныя, творчыя і спартыўныя мерапрыемствы.
Адукацыйны семінар праходзіць па мадэлі бізнес-інкубатара: кожны атрад - гэта асобны стартап, які, выкарыстоўваючы веды, атрыманыя на занятках, стварае свой унікальных прадукт і прэзентуе яго інвестарам у канцы змены. Прэзентацыя праходзіць на англійскай мове.
-
Хто можа прыняць удзел у сацыяльным адукацыйным праекце "Junior Ignite Camp-2019"?
Таленавітыя падлеткі 12-14 гадоў з Магілёўскай вобласці, бацькі якіх не могуць аплачваць дадатковую адукацыю або жывуць у невялікіх гарадах ці вёсках, дзе папросту няма такіх магчымасцяў.
-
Як падаць заяўку на ўдзел у "Junior Ignite Camp-2019"?
Для таго, каб пакінуць сваю заяўку на ўдзел у адукацыйным праекце "Junior Ignite Camp-2019", трэба проста запоўніць гэтую анлайн анкету да 10 ліпеня 2019 года ўключна. З тымі падлеткамі, якія пройдуць першы этап адбору, звяжуцца арганізатары для правядзення гутаркі па тэлефоне.
-
Колькі каштуе ўдзел у праекце?
Удзел у адукацыйным праекце (пражыванне, харчаванне, адукацыйная праграма і ўсе дадатковыя мерапрыемствы) бясплатны для дзяцей. Да месца правядзення праграмы і назад ўдзельнікі дабіраюцца самастойна.
-
Дзе будзе праходзіць "Junior Ignite Camp-2019"?
Навучанне і пражыванне праводзіцца на базе аздараўленчага летніка «Багатыр» па адрасе Мінская вобл., Барысаўскі р-н, в. Дудзінка, дзе спалучаюцца прырода, свежае паветра, спартыўныя гульні, навучанне ІТ-тэхналогіям і шмат іншага.
-
Хто праводзіць заняткі?
Заняткі ў летніку праводзяць прафесіяналы ў сваёй сферы (праграмісты, настаўнікі замежных моў, трэнеры), якія ўдзельнічаюць у адукацыйным праекце на валанцёрскай аснове.
Як гэта адбывалася ў мінулыя гады?
Першы адукацыйны праект прайшоў з 11 па 17 жніўня 2017 года для школьнікаў Гомельскага раёна. У семінары прынялі ўдзел 96 дзяцей, сярод якіх акрамя школьнікаў з розных рэгіёнаў Гомельскай вобласці, былі дзеці з SOS-вёскі Бараўляны, а таксама дзеці, якія маюць статус бежанцаў з Сірыі і Украіны (падапечныя UNHCR).
А з 8 па 16 жніўня 2018 года прайшоў другі семінар "Junior Ignite Camp 2018." для дзяцей з Мінскай вобласці.
Калі ў вас засталіся пытанні пра "Junior Ignite Camp-2019", вы можаце задаць іх па тэлефонах 8029 337 16 34 (Аляксандра) і 8029 262 24 52 (Варвара).
Крыніца: http://edu4future.by/article/priglashaem-shkolnikov-12-14-let-prinyat-uchastie-v-socialnom-obrazovatelnom-proekte-junior-ignite-camp-2019?fbclid=IwAR3apOEmlRVEm55SF50PyHqFwqAcRPvr5YgvanPEniBL5T5XQ4G8-CJwJyg
