За год сустрэч у нашым клубе ў нас з'явілася 5 ўзроўняў вывучэння беларускай мовы, якія адпавядаюць інтарэсам і патрабаванням нашых слухачоў. Раскажам вам пра іх падрабязней.
̰
Д̰л̰я̰ ̰с̰а̰м̰ы̰х̰ ̰м̰а̰л̰е̰н̰ь̰к̰і̰х̰ ̰
Нашы самыя маленькія слухачы ў форме гульні папаўняюць лексічны запас, вучацца размаўляць па-беларуску. Кожная сустрэча тэматычная. Дзеткі не толькі вучаць новыя словы, але і разгадваюць загадкі, думаюць і дзеляцца ўласным досведам.
̰В̰у̰ч̰ы̰м̰ ̰л̰і̰т̰а̰р̰ы̰ ̰і̰ ̰ч̰ы̰т̰а̰е̰м̰
Дзеці 6-8 гадоў знаёмяцца з літарамі, вучацца чытаць і пісаць, папаўняюць лексічны запас. На кожнай сустрэчы абавязкова дапамагаюць расказваць гісторыю.
̰Ч̰ы̰т̰а̰е̰м̰ ̰с̰а̰м̰і̰
Гэты ўзровень для тых, хто літары ведае і вучыцца чытаць больш упэўнена. На сустрэчах мы гуляемся са словамі, знаёмімся з новай лексікай. Дзеткі вучацца змяняць словы у розных паўсядзённых сітуацыях. Абавязкова на занятках дзеткі дапамагаюць чытаць гісторыю, якую могуць прачытаць яшчэ раз дома і намаляваць малюнак па ёй.
̰В̰у̰ч̰ы̰м̰с̰я̰ ̰р̰а̰з̰м̰а̰ў̰л̰я̰ц̰ь̰
Гэты ўзровень для старэйшых дзетак (8+), якія добра чытаюць, але ім не хапае лексікі, каб размаўляць. Кожная сустрэча тэматычная. Дзеткі знаёмяцца са словамі, змяняюць іх, абмяркоўваюць і вучацца выкарыстоўваць іх у розных сітуацыях. Абавязкова чытаем разам гісторыю, якую пераказваем на наступнай сустрэчы.
̰Ч̰ы̰т̰а̰е̰м̰,̰ ̰р̰а̰з̰м̰а̰ў̰л̰я̰е̰м̰,̰ ̰в̰у̰ч̰ы̰м̰ ̰г̰р̰а̰м̰а̰т̰ы̰к̰у̰
На гэтым узроўні мы чытаем мастацкую кнігу, абмяркоўваем яе, вучым разам граматычныя правілы ў забаўляльнай форме. А разам з цікавымі дамашнімі заданнямі, дзеці змогуць займацца і дома!
На ўсіх сустрэчах цёплая атмасфера, шмат жартаў, весялосці, анімацыі. Заўсёды дапамагаем адно аднаму, весела бавім час!
Яшчэ наш клуб рыхтуе для вас новыя цікавінкі.
Мы распрацоўваем для вас курсы, якія вы зможаце спампаваць і выконваць у камфортным для вас тэмпе:
- курс для старэйшых дзетак (8+) "Цікавыя фразеалагізмы"
- курс чытанка для дзетак (6-8гадоў) "Кнігі-цікавінкі" з маленькімі гісторыямі і заданнямі.
Сачыце за нашымі абвесткамі!
Шаноўныя бацькі, на новы навучальны год прапануем новыя інтэрактыўна-вучэбныя праграмы для вашых дзетак.
Д͟л͟я͟ ͟д͟з͟я͟ц͟е͟й͟ ͟а͟д͟ ͟4͟ ͟г͟а͟д͟о͟ў͟:͟
- Звяры, птушкі, насякомыя Беларусі
- Займальная літаратура
- Маленькі тэатр Васіля
͟Д͟л͟я͟ ͟д͟з͟я͟ц͟е͟й͟ ͟а͟д͟ ͟8͟ ͟г͟а͟д͟о͟ў͟:͟
- Каралі беларускай літаратуры
- Новы беларускі тэатр
- Унікальная гісторыя мастацтва
- Дзівосны свет кіно і мультыплікацыі
Старонка ў Фб: https://www.facebook.com/zeuzyk.club
Каб запісацца на заняткі пішыце ў прыват ФБ альбо на пошту belskolka@gmail.com.