Паводле інфармацыі Міністэрства адукацыі Рэспублікі Беларусь, 1 верасня 2023 года вучэбныя заняткі пачнуць каля мільёна навучэнцаў. Першы званок празвініць для 110 тысяч першакласнікаў. Плануецца, што першага верасня колькасць выхаванцаў ва ўстановах дашкольнай адукацыі складзе 360 тысяч.
У 2023/2024 навучальным годзе ў краіне будуць функцыянаваць 3628 установы, якія рэалізуюць адукацыйныя праграмы дашкольнай адукацыі, 2865 дзяржаўных устаноў адукацыі, якія рэалізуюць адукацыйныя праграмы агульнай сярэдняй адукацыі.
Да новага навучальнага года на ўзроўні дашкольнай адукацыі выдадзены 7 найменняў вучэбных выданняў агульным тыражом 387 840 экзэмпляраў і 8 найменняў вучэбна-метадычнай дакументацыі агульным тыражом 26 898 экзэмпляраў.
На ўзроўні агульнай сярэдняй адукацыі да 2023/2024 навучальнага года запланавана перавыданне 29 навучальных дапаможнікаў, 24 з іх - да 1 верасня. Пяць навучальных дапаможнікаў (зборнікі задач і пропісы) будуць выдадзены да лістапада 2023 г.
У новым навучальным годзе 59 тысяч навучэнцаў будуць забяспечаны падвозам. Для гэтага задзейнічаюць больш за 1600 школьных аўтобусаў. Ужо зацверджаны больш за пяць тысяч маршрутаў. Да 1 верасня ва ўстановы адукацыі будзе пастаўлены 151 новы школьны аўтобус. Дадаткова сёлета закупяць яшчэ 124 аўтобусы, з іх 87 - з пад'ёмнікамі. Гэта дазволіць поўнасцю кампенсаваць парк тых школьных аўтобусаў, якія маюць тэрмін эксплуатацыі больш за 10 гадоў.
Па традыцыі ў першы школьны дзень у Рэспубліцы Беларусь праводзіцца Дзень ведаў. У гэтым навучальным годзе тэма адзінага ўрока "Беларусь і Я - дыялог міру і стварэння" прысвечана Году міру і стварэння.
Міністэрствам адукацыі Рэспублікі Беларусь вызначаны тэрміны навучальных чвэрцяў і канікулаў у 2023/2024 навучальным годзе:
- першая чвэрць - з 1 верасня па 28 кастрычніка 2023 года;
- другая - з 8 лістапада па 23 снежня 2023 года;
- трэцяя - з 8 студзеня па 23 сакавіка 2024 года;
- чацвёртая - з 1 красавіка па 31 мая 2024 года.
На працягу навучальнага года ўстанаўліваюцца канікулы:
- восеньскія - 10 дзён з 29 кастрычніка па 7 лістапада 2023 года ўключна;
- зімовыя - 15 дзён з 24 снежня 2023 года па 7 студзеня 2024 года ўключна;
- вясновыя - 8 дзён з 24 па 31 сакавіка 2024 года ўключна;
- летнія - 92 дні з 1 чэрвеня па 31 жніўня 2024 года, для навучэнцаў, якія завяршылі навучанне на II ступені агульнай сярэдняй адукацыі, - 81 дзень з 12 чэрвеня па 31 жніўня 2024 года ўключна.
Для вучняў І–ІІ класаў (ІІІ класаў – для вучняў з АПФР з пяцігадовым тэрмінам навучання на І ступені агульнай сярэдняй адукацыі) у ІІІ чвэрці праводзяцца дадатковыя зімовыя канікулы з 19 па 25 лютага 2024 года працягласцю 7 дзён.
Паводле сайта НІА