У Беларусі падвялі вынікі першага года працы платформы па аказанні псіхалагічнай дапамогі падлеткам talk2ok.by. Гэта сайт, куды юнакі і дзяўчаты 14-19 гадоў могуць звярнуцца па бясплатную і канфідэнцыйную кансультацыю псіхолага па хвалюючай праблеме.
Платформа talk2ok.by распрацавана экспертамі Рэспубліканскага цэнтра псіхалагічнай дапамогі Інстытута псіхалогіі Беларускага дзяржаўнага педагагічнага ўніверсітэта імя Максіма Танка і спецыялістамі сістэмы аховы здароўя сумесна з Дзіцячым фондам ААН (ЮНІСЕФ) у Беларусі.
Мэта праекта - паказаць падлеткам, што з любой жыццёвай сітуацыі ёсць выхад, і, калі складана абмяркоўваць свае перажыванні з бацькамі або сябрамі, заўсёды можна звярнуцца па дапамогу да спецыяліста. А клапаціцца аб сваім псіхалагічным дабрабыце - гэтак жа натуральна, як і аб фізічным здароўі.
Цяпер на talk2ok.by працуюць 15 псіхолагаў, а таксама роўныя кансультанты - студэнты Інстытута псіхалогіі БДПУ. Патрапіць у лік псіхолагаў, якія кансультуюць на платформе, можна толькі з вышэйшай профільнай адукацыяй, пацверджаным валоданнем метадамі псіхалагічнага кансультавання і псіхадыягностыкі і досведам працы ў кансультаванні падлеткаў і моладзі не меней 3 гадоў.
Апроч платформы talk2ok.by у Беларусі ёсць і іншыя магчымасці атрымаць дапамогу псіхолага бясплатна і канфідэнцыйна. Па ўсёй краіне працуюць Цэнтры, дружалюбныя падлеткам, дзе таксама кансультуюць і бацькоў. Спіс усіх адрасоў і кантактаў Цэнтраў знаходзіцца на сайце junior.medcenter.by
Сацыяльна-педагагічныя цэнтры (СПЦ) працуюць з сітуацыямі дзіцяча-бацькоўскіх адносін, пытаннямі праблемных паводзін. У СПЦ могуць звярнуцца не толькі падлеткі, але і бацькі.
Атрымаць дапамогу ў крызіснай сітуацыі можна па тэлефонах: 8-801-100-16-11 (кругласутачная дзіцячая тэлефонная лінія) і 8-017-300-2321 (нумар у Рэспубліканскім цэнтры псіхалагічнай дапамогі, дзе могуць дапамагчы ў працоўны час у панядзелак-чацвер) з 8.30 да 17.30 і ў пятніцу з 8.30 да 16.00 Званкі са стацыянарных тэлефонаў бясплатныя.