Мінск: Прэзентацыя навучальнай методыкі і метадычных выданняў

11 снежня

Запрашаем на прэзентацыю методыкі «Актыўная Ацэнка» і новых метадычных выданняў для педагогаў!

У праграме:

1. Прэзентацыя методыкі «Актыўная Ацэнка» і сайта http://aacenka.by/  
2. Прэзентацыя метадычных выданняў

Сайт http://aacenka.by/ – новы інфармацыйны рэсурс для беларускіх настаўнікаў, які прадстаўляе надзвычай папулярную ў свеце інавацыйную сістэму навучання «Актыўная Ацэнка» (Formative Assessment). Сайт ставіць сваёй мэтай папулярызацыю методыкі «Актыўная Ацэнка» ў школах Беларусі.

На прэзентацыі выступяць эксперты з Польшчы і Беларусі, беларускія настаўнікі, якія ўжо паспрабавалі працаваць паводле прынцыпаў «Актыўнай Ацэнкі». Прадугледжана правядзенне майстар-класа па выкарыстанні методыкі «Актыўная Ацэнка». Удзельнікі прэзентацыі абмяркуюць перавагі методыкі, шляхі і бар’еры для яе распаўсюджвання ў нашай школе.

Пытанні для дыскусіі:

- АА як філасофія навучання;
- як зрабіць, каб вучні адчулі адказнасць за ўласную навуку і здолелі вучыцца самастойна;
- якія чыннікі ўплываюць на навучальную атмасферу ў класе;
- як ужываць на практыцы элементы АА;
- якім чынам заахвоціць бацькоў да супрацы;
- як папулярызаваць ідэі АА сярод настаўнікаў.

Запрашаем усіх зацікаўленых! Мерапрыемства адбудзецца 11 снежня (нядзеля) у памяшканні Галерэі «Ў» па адрасе: г. Мінск, пр Незалежнасці 37а. Пачатак у 10.30, заканчэнне ў 15.30.

Колькасць месцаў абмежавана, таму просім паведаміць пра свой удзел на мэйл info@aacenka.by. Даведкі праз тэлефоны: +375296512270 Тамара, +375293779959 Наталля.