Актыўная ацэнка: Метадычны дапаможнік беларускага настаўніка

Актыўная ацэнка: Метадычны дапаможнік беларускага настаўніка. Мінск: 2011

Кніга складзена педагогамі-практыкамі на аснове ўласнага досведу. Матэрыялы для выдання далі польскія і беларускія настаўнікі, якія засвоілі сістэму актыўнай ацэнкі падчас навучальных семінараў ды аўтарскіх курсаў – і перанеслі яе ў свой клас. Практыка паказвае, што актыўная ацэнка падыходзіць для любога ўзроўню і тыпу навучання, а таксама можа быць выкарыстана ў выхаваўчай і пазашкольнай працы.

Для шырокага кола педагогаў і метадыстаў.



Увага! Выданне «Актыўная ацэнка: Метадычны дапаможнік беларускага настаўніка» педагогі могуць атрымаць бясплатна, даслаўшы запыт на info@nastaunik.eu . У запыце пазначце: імя-прозвішча і/ці установу адукацыі, паштовы адрас з індэксам.

Газета «Рэспубліка»:

Ацэнка і адзнака – розныя рэчы: апошняя заўсёды мае балавы паказнік, а першая – неабавязкова.

Актыўную ацэнку можна вызначыць як стратэгію навучання, у межах якой вучні маюць магчымасць увесь час бачыць, разумець свае поспехі (і радавацца ім), няўдачы (і ліквідаваць прабелы), авалодваць працэдурамі ацэнкі і ўзаемнай ацэнкі, кіраваць уласным навучаннем. Важна адзначыць, што актыўная ацэнка не выключае ацэньванне ў балах, гэта значыць выстаўленне адзнак.

Сістэма актыўнай ацэнкі зарэкамендавала сябе ў шматлікіх краінах, у тым ліку і ў суседняй Польшчы.
У Беларусі праект па ўкараненню інавацыйнай мадэлі кантрольна-ацэнкавай дзейнасці настаўніка і навучэнца ажыццяўляўся на працягу двух гадоў у гімназіях Маладзечна і Мікашэвічаў, пры падтрымцы Акадэміі паслядыпломнай адукацыі.

Сайт «Актыўная ацэнка»:

Актыўная ацэнка эфектыўна рыхтуе маладых людзей вучыцца на працягу ўсяго жыцця, што з’яўляецца неабходным навыкам y сучасным свеце.

Спампаваць (pdf 1,2 Mb)