Архіў навін
Для настаўнікаў, якія жадаюць пашырыць сваю метадычную скарбонку, сустрэць аднадумцаў, пазнаёміцца з цікавымі выкладчыкамі з розных краінаў, прапануецца да 14 чэрвеня падаць заяўкі на ўдзел у Школе правоў чалавека.
Абвестка і анкета знаходзіцца тут
Таксама нагадваем, што да 14 чэрвеня можна заявіцца і на шведска-беларускі семінар «Дэмакратыя ў паўсядзённасці" .
Інфармацыя тут
Матэрыял да спалучнага ўрока беларускай літаратуры і біялогіі, распрацаваны гомельскімі настаўнікамі, запрашае вучняў да развагаў над праблемамі экалогіі як з прыродазнаўчага, так і з агульначалавечага гледжання .
Спампаваць прэзентацыю (430 КБ)
Прэзентацыя да ўрока, прысвечанага паэме Пімена Панчанкі «Сармацкае кадзіла»
Матэрыял да спалучнага ўрока беларускай літаратуры і біялогіі, распрацаваны гомельскімі настаўнікамі, запрашае вучняў да развагаў над праблемамі экалогіі як з прыродазнаўчага, так і з агульначалавечага гледжання .
Спампаваць прэзентацыю (430 КБ)
Адукацыйны семінар “Навучанне дэмакратыі ў штодзённасці”
Настаўнікі і выкладчыкі сацыяльна-гуманітарных дысцыплін ВНУ запрашаюцца да ўдзелу ў міжнародным адукацыйным семінары “Навучанне дэмакратыі ў штодзённасці”, які ладзіцца грамадскім аб’яднаннем Studieforbundet Vuxenskolan (Швецыя) пры падтрымцы грамадскага аб’яднаньня “Адкрытае грамадства” (Мінск).
Семінар ладзіцца ў Гродне 17–19 чэрвеня.
Дэмакратыя ў штодзённасці – гэта прыхільнасць людзей да каштоўнасцяў свабоды і адказнасці, дыялога і ўзаемаразумення, сумоўя і супрацоўніцтва ў сваім штодзённым жыцці.
Мэты і змест семінара:
– дасягненне глыбейшага разумення базавых дэмакратычных нормаў і каштоўнасцяў і асаблівасцяў іх праяўлення ў штодзённым узаемадзеянні,
-знаёмства з інавацыйнымі метадамі навучання моладзі культуры міру і дэмакратыі,
-знаёмства з сістэмай фармальнай і нефармальнай адукацыі ў Швецыі і метадамі навучання дэмакратыі на практыцы ў шведскай школе.
Праграма семінара распрацаваная на базе аўтарскага курса “Дэмакратыя ў штодзённасці”, зацверджанага Мінадукацыі РБ у якасьці Праграмы факультатыўных заняткаў для 11 класа агульнаадукацыйных установаў.
Канферэнцыя па правах студэнтаў у Мінску
Канферэнцыя будзе праходзіць у фармаце дакладаў і тэхналогіі «Адкрытая прастора» («Open Space»), пры якім удзельнікі атрымліваюць поўную свабоду дзеянняў і самастойна ўзнімаюць цікавыя для сябе тэмы ў рамках стратэгічнай тэматыкі, абмяркоўваюць іх, працуючы ў паралельных групах.
Месца правядзення: г. Мінск, Міжнародны адукацыйны цэнтр ім. Ёханэса Рау, пр-т. Газеты Праўды, 11.
Рэгістрацыя ўдзельнікаў пачынаецца а 09.30.
Кантактная інфармацыя: па ўсіх пытаннях просім Вас звяртацца па тэлефонах: +375 29 221 06 97; +375 29 314 43 75 альбо на электронны адрас: st.rights.konference@gmail.com
Аргкамітэт не кампенсуе транспартныя і іншыя выдаткі ўдзельнікаў.
Падрабязная інфармацыя тут.
Для ўдзелу ў канферэнцыі Вам неабходна да 12 чэрвеня выслаць заяўку мэйл: st.rights.konference@gmail.com з пазнакай у тэме ліста канферэнцыя_прозвішча_імя.
Ласкава нагадваем, што да 10 чэрвеня вы маеце магчымасць прапанаваць свае смелыя, творчыя і арыгінальныя ідэі для ўдзелу ў конкурсе адукацыйных праектаў.
Не забываймася аб тым, што кожная задума, народжаная з вашай добрай душы і прафесійнага досведу, ёсць самай каштоўнай пярлінай скарба нашай беларускай будучыні.
Конкурс адукацыйных праектаў накiраваны на грамадзянскую і метадычную адукацыю, развіццё крытычнага мыслення дзяцей, моладзі, педагогаў, бацькоў, мясцовага насельніцтва.
Летнік прысвечаны пытанням экалогіі і ўстойлівага развіцця
Удзельнікам прапануюцца як тэарэтычныя, так і практычныя заняткі па тэматыцы з наведваннем розных экалагічных аб’ектаў у Новым Садзе (Сербія). Арганізатары не патрабуюць ад удзельнікаў ведаў па гэтай тэматыцы, таму запрашаюцца ўсе жадаючыя ад 18 да 28 год.
Працоўная мова – англійская. Удзел у летніку складае 60 еўра, што пакрывае выдаткі на пражыванне, харчаванне, удзел у экскурсіях і культурных мерапрыемствах.
Запоўніць анкету на ўдзел можна тут.
Дадатковая інфармацыя http://www.eyouwins.com/.
Дэдлайн 1 ліпеня 2010 г.
Паводле adukacyja.info
Выстава дзіцячга малюнка да 600-годдзя Грунвальдскай бітвы
Выстава “Грунвальд у нашай памяці” адкрыецца 13 ліпеня па адрасе: Мінск, пр. Машэрава, 8.
Нягледзячы на тое, што арганізатары арыентуюцца на дзіцячыя і моладзевыя працы, узроставых і тэхнічных абмежаванняў няма. Неабходна, каб творы былі прысвечаныя Грунвальдзкай перамозе і яе ролі ў гісторыі нашай краіны.
У склад журы ўвайшлі Мікола Купава, Алесь Шатэрнік, Алесь Марачкін, Эдуард Агуновіч ды іншыя мастакі.
Працы прымаюцца па адрасе Машэрава, 8.
Апошні тэрмін падачы працаў: 5 ліпеня..
Вандроўка па Віцебшчыне
5–6 чэрвеня 2010 году (субота-нядзеля) Магілёўская гарадская арганізацыя Таварыства беларускай мовы імя Францішка Скарыны ладзіць вандроўку па Віцебшчыне.
Падчас падарожжа ўдзельнікі наведаюць музей Янкі Купалы “Акопы”, музей Змітрака Бядулі у вёсцы Пасадзец, Бярэзінскі біясферны запаведнік, краязнаўчы музей у Лепелі, а таксама мноства помнікаў архітэктуры ды іншыя цікавыя мясціны.
Запрашаюцца валантэры на летнік у Польшчы
З 28 чэрвеня па 6 ліпеня 2010 году ў Nowy Sacz пад Кракавам, Польшча, будзе праходзіць сумесны нямецка-польска-беларускі летнік.
Удзельнікі летніку атрымаюць магчымасць набыць досвед працы ў міжнародных праектах, а таксама рэалізаваць уласныя праектныя ідэі. Арганізатары аплочваюць пражыванне, харчаванне, транспартныя выдаткі.
Да ўдзелу запрашаецца моладзь ва ўзросце 18–26 год.
Каб прыняць удзел, неабходна даслаць матывацыйны ліст на эл адрас: m.ermlich@dg-bildungswerksachsen.org. На гэты ж адрас звяртайцеся з дадатковымі пытаннямі да Магдалены Эрмліх (Magdalena Ermlich) альбо праз тэлефон: 0341- 9954438.
Апошні тэрмін падачы заявак: 10 чэрвеня.
Падрабязная інфармацыя – на сайце: http://www.dbg-online.org/2010/05/28/freiwilligenworkshop-polen-286–672010
Паводле adukacyja.info