Архіў навін
Пераможцы конкурсу «Настаўнік года» ў школе не затрымліваюцца
Алена Спасюк, naviny.by
У Дзень настаўніка «Беларускія навіны» вырашылі даць слова тым педагогам, якія ў розныя гады ганараваліся званнем «Настаўнік года». Высветлілася, праўда, што ў школе засталіся нямногія з іх:
- Настаўнікі дамагаюцца поспеху і сыходзяць са школы...
- «Тых, хто не гатовы працаваць у школе, трэба адсейваць яшчэ на этапе паступлення»...
- «Настаўнікі ведаюць, як вучыць, стварыце ім умовы»...
- «Гэта няправільна, што ў беларускай школе так шмат жанчын»
- «Калі бацькі аддаюць дзяцей вучыцца на рускай мове, можна казаць аб адсутнасці патрыятызму»...
Чытаць болей / каментаваць
Дарагія сябры, аднадумцы, калегі!
А шчырага сэрца віншуем вас з Днём Настаўніка. Зычым кемлівых вучняў, плённай працы, радаснага адпачынку. Хай мары робяцца планамі, планы – справамі!
Вызначыць масу зямнога шара,
Падлічыць усё да пясчынкі –
У начы падсвядомасці марыў
Розум светлаю аблачынкай.
Я не помню, знакі якія
Мне таемны ліхтарык высвечваў,
Я рашыў! І нібыта закінуў
Шар зямны на худзенькія
плечы.
Заўсёды з вамі, Nastaunik.info
Павіншаваць
Літаратурны музей М. Багдановіча запрашае студэнтаў беларускіх ВНУ паўдзельнічаць у конкурсе акравершаў “Зорка Венера ўзышла над зямлёю...”, прысвечанага 120-годдзю з дня нараджэння Ганны Рафаілаўны Какуевай. Менавіта ёй М.Багдановіч прысвяціў мноства цудоўных твораў, сярод якіх былі і акравершы, а таксама, як мяркуюць, свой знакаміты раманс.
/ каментаваць
Апошні тэрмін падачы заявак - 19 лістапада 2010 г.
Міжнародная асацыяцыя гуманітарыяў (МАГ) абвесціла конкурс на атрыманне кароткатэміновых грантаў у галіне гуманітарных навук у Беларусі ў 2010–2011 навучальным годзе. Удзельнікі конкурсу мусяць мець кандыдатскую ступэнь ды адпаведны навуковы вопыт, пражываць на тэрыторыі Беларусі ды быць яе грамадзянінам, выкарыстоўваць атрыманы грант толькі для навуковых мэтаў, прадугледжаных у заяўцы на Праект.
/ каментаваць
Апошні тэрмін падачы заявак - 16 кастрычніка
Фонд “Супольнасць па абмене студэнтамі з Цэнтральнай і Усходняй Еўропы”, фонд “Памяць, Адказнасць і Будучыня” і фонд “Zeit” прапануюць стыпэндыі для беларускіх магістрантаў, якія прыедуць вучыцца ў любы ўніверсітэт Нямеччыны ў летнім семэстры новага навучальнага года: 1 красавіка – 31 жніўня 2011 г.
/ каментаваць
Дадзена: 26 няўрымслівых першакласнікаў: знаёмых адно з адным – і не вельмі. Далікатная першая настаўніца. Неабыякавыя бацькі.
Трэба: стварыць у класе зычлівую атмасферу, даць дзецям пачуццё супольнай каманды, навучыць іх каардынаваць свае дзеянні паміж сабой, засяроджвацца – і разнявольвацца.
Рашэнне: прынесці на заняткі… Парашут!
З каляровым парашутамДадзена: 26 няўрымслівых першакласнікаў: знаёмых адно з адным – і не вельмі. Далікатная першая настаўніца. Неабыякавыя бацькі.
Трэба: стварыць у класе зычлівую атмасферу, даць дзецям пачуццё супольнай каманды, навучыць іх каардынаваць свае дзеянні паміж сабой, засяроджвацца – і разнявольвацца.
Рашэнне: прынесці на заняткі… Парашут!
/ глядзець / каментаваць
1–3 кастрычніка ў Беларусі пройдуць Еўрапейскія восеньскія дні назіранняў за птушкамі, зарганізаваныя грамадскай арганізацыяй «Ахова птушак Бацькаўшчыны» (АПБ) пры падтрымцы Міністэрства прыродных рэсурсаў і аховы навакольнага асяроддзя.
Акцыя традыцыйна праводзіцца прадстаўнікамі міжнароднай арганізацыі Birdlife International прыкладна ў 30 еўрапейскіх краінах. Для ўдзелу ў акцыі ўсім ахвотным неабходна выйсці на прыроду, палічыць віды птушак, іх колькасць, а таксама колькасць птушак, якіх не атрымалася распазнаць. Усе звесткі неабходна паведаміць у сакратарыят АПБ па тэлефоне ў Мінску (017) 2630613, па мабільных тэлефонах (029) 2230613 (МТС), (029) 1016887 (Velcom), sms на кароткі нумар 0841 або па e-mail: info@ptushki.org. Апошні тэрмін падачы звестак — 16.00 3 кастрычніка.
/ каментаваць
Народзіны Камуніката: «Галерэя Ў», а 18-й
Беларуская Інтэрнэт-Бібліятэка Kamunikat.org адзначае свой 10-ы дзень нараджэння. Kamunikat.org узнік у 2000 годзе як прыватная ініцыятыва і на працягу некалькіх гадоў існаваў на грамадскіх пачатках. З часам сціплы збор публікацый беларусаў Беласточчыны, дзякуючы фінансавай падтрымцы польскага МЗС у рамках праекту «Польская Дапамога», перарос у буйную бібліятэку, якая сёння з’яўляецца адной з найбольш папулярных беларускіх бібліятэк у сеціве.
/ каментаваць