26.01.2018
Як паведамляе БЕЛТА, іспыты ў 5-я класы гімназій у Беларусі адменены.
Гэта прадугледжана ўказам №30 «Аб прыёме ва ўстановы агульнай сярэдняй адукацыі і навучанні ў іх», які Прэзідэнт Беларусі Аляксандр Лукашэнка падпісаў 25 студзеня.
Указам устанаўліваецца, што набор у 5-я класы гімназій будзе ажыццяўляцца без правядзення ўступных выпрабаванняў. Усе навучэнцы, якія завершаць навучанне ў 4-м класе гімназіі, змогуць працягнуць навучанне ў 5-м класе гэтай жа гімназіі.
"Адмена экзаменаў дазволіць зняць неапраўданую псіхалагічную і эмацыйную нагрузку на навучэнцаў пачатковых класаў, што ў цэлым будзе спрыяць захаванню іх здароўя. Пры прыёме ў 5-я класы гімназій-каледжаў мастацтваў конкурсны адбор па выніках праверкі творчых здольнасцяў захоўваецца. Такі падыход прадаставіць магчымасць навучання ў гэтых гімназіях найбольш таленавітым, якія маюць прыродныя задаткі, дзецям, якія хочуць звязаць свае далейшае прафесійнае жыццё з мастацтвам. Адначасова ва ўстановах агульнай сярэдняй адукацыі прадугледжваецца магчымасць вывучэння асобных прадметаў на павышаным узроўні. Рэалізацыя гэтай нормы прадаставіць роўныя ўмовы для атрымання якаснай адукацыі ва ўстановах агульнай сярэдняй адукацыі ўсіх відаў, а таксама пашырыць магчымасці яго атрымання з улікам індывідуальных здольнасцяў і схільнасцяў школьнікаў. Мінадукацыі і Мінкультуры ў двухмесячны тэрмін прымуць ўсе прававыя акты, неабходныя для рэалізацыі норм названага ўказа", - кажуць чыноўнікі.