Сетка па грамадзянскай адукацыі ва Усходняй Еўропе (EENCE) запрашае прыняць удзел у дыстанцыйным навучальным курсе «Сучаснае разуменне грамадзянскай адукацыі».
Курс пройдзе з 18 лютага да 17 сакавіка 2019 года на Міжнароднай платформе онлайн курсаў EDU -HUB.
Працоўная мова курса – руская. Удзел у навучанні бясплатны.
Пасля сканчэння курса выпускнікі змогуць атрымаць сертыфікат з указаннем вывучаных навучальных модуляў.
Мэта навучальнага курса: павышэнне кампетэнцый ў галіне навучання грамадскасці.
Навучальны курс адрасаваны спецыялістам, якія ў сваёй дзейнасці займаюцца пытаннямі грамадзянскай адукацыі: настаўнікам школ, выкладчыкам каледжаў і універсітэтаў, трэнерам грамадскіх арганізацый, адукацыйным менеджэрам.
У аснове вучэбнага курса – канцэпцыя «Грамадзянства XXI стагоддзя», ідэя якой у тым, што грамадзянскасць у XXI стагоддзі патрабуе ад людзей новых кампетэнцый. У першую чаргу гэта звязана з глабалізацыяй і развіццём лічбавых тэхналогій. Таму, каб быць эфектыўнымі грамадзянамі, людзям важна мець неабходныя веды і ўменні для ўдзелу ў грамадскім жыцці, а таксама арыентавацца ў глабальным кантэксце і ўмець карыстацца сучаснымі тэхналогіямі.
Модулі навучальнага курса:
1. Разуменне грамадзянскай адукацыі ў XXI стагоддзі
Удзельнікі пазнаёмяцца з сучасным разуменнем грамадзянскай адукацыі, асноўнымі тэрмінамі і шэрагам тэм, якія могуць быць выкарыстаны ў навучанні грамадзянскасці. Будзе арганізавана анлайн-дыскусія аб чаканых выніках грамадзянскай адукацыі і крытэрах яе эфектыўнасці.
2. Нацыянальная грамадскасць, Еўрапейская грамадзянскасць, Глабальная грамадзянскасць
Удзельнікі будуць вывучаць розныя канцэпцыіідэнтычнасці грамадзяніна ў вымярэнні сваёй краіны, Еўропы і Свету. Акрамя таго, удзельнікі будуць аналізаваць некаторыя навучальныя інструменты, распрацаваныя міжнароднымі арганізацыямі.
3. Паспяховыя практыкі грамадзянскай адукацыі
Удзельнікі будуць вывучаць канкрэтныя практыкі грамадзянскай адукацыі ў Беларусі. Падчас практыкума будзе магчымасць прапанаваць перспектыўныя мадэлі эфектыўных дзеянняў у галіне грамадзянскай адукацыі на мясцовым, нацыянальным і міжнародным узроўнях.
4. Эфектыўныя формы і метады навучання грамадскасці.
Модуль дае магчымасць даведацца пра канкрэтныя інфармацыйныя і метадычныя матэрыялы, якія выкарыстоўваюць спецыялісты па грамадзянскай адукацыі ў розных краінах свету. Падчас практыкума ўдзельнікі распрацуюць аўтарскія праграмы па канкрэтнай тэме і змогуць атрымаць зваротную сувязь ад сваіх калег па вучэбнай групе.
Аб’ём курса – 32 акадэмічных гадзіны (каля 8 гадзін на тыдзень). Матэрыялы кожнага новага модуля адкрываюцца па панядзелках і будуць даступныя кругласутачна да заканчэння навучання.
Для ўдзелу ў онлайн курсе неабходна не пазней за 18 лютага 2019 года:
1. Стварыць уліковы запіс на EDU-HUB па спасылцы.
2. Пацвердзіць электронны адрас. Неабходна знайсці ліст ад Платформы у сваёй электроннай паштовай скрыні і пацвердзіць рэгістрацыю, націснуўшы на актыўную спасылку ў лісце. Увага! Часта гэты ліст трапляе ў тэчку “Спам”, таму неабходна праверыць і гэтую тэчку. Калі ліст вам не прыйшоў, адміністратар Платформы праводзіць аўтарызацыю ў канцы кожнага працоўнага дня і вы зможаце ўвайсці на Платформу па сваім лагіне і паролі пасля аўтарызацыі.
3. Увайсці на Платформу. Пасля пацверджання адрасу вы зможаце ўвайсці на EDU-HUB. Спасылка на ўваход.
4. Увайсці на курс і ўдзельнічаць у навучанні. Прамая спасылка.
Дадатковая інфармацыя. Калі ласка, па ўсіх пытаннях адносна рэгістрацыі на Платформе і запісу на курс, звяртайцеся да кіраўніка EDUtech Віталя Нікановіча праз электронную пошту: vitali@e-edu.org або праз месенджары: +375298693921 (Viber, Whats App, Telegram).