01.09.2021
Дарагія калегі, шаноўныя бацькі, любыя нашы вучні!
Віншуем з пачаткам навучальнага года!
Гэты год будзе незвычайным, можа нават неверагодным. Усё залежыць ад нас.
Гуртуемся, падтрымліваем адно аднаго, не здаемся. Мы зможам!
Прыміце ў падарунак да Свята кнігу "МедыяКлас!", якую зрабілі настаўнікі Беларусі за лета.
Яна будзе карысна ўсім, хто хоча, каб школьныя ўрокі былі цікавымі, актуальнымі і сучаснымі.
Абсалютная большасць урокаў і практыкаванняў з’яўляюцца ўніверсальнымі і могуць быць выкарыстаны як элементы інфармацыйных гадзін, трэнінгаў і семінараў па медыяпісьменнасці, выхаваўчых, навучальных і забаўляльных мерапрыемстваў.
Кожнае практыкаванне, матэрыял для раздрукоўкі, артыкул, відэа- і аўдыядадатак вы можаце знайсці ў электроннай форме на платформе медыятулкіт па адпаведных QR-кодах або актыўных спасылках у PDF версіі кнігі.
Ваш Nastaunik.info