Нашыя дзеткі – да Дня ведаў

Сайт «Нашыя дзеткі» віншуе ўсіх з надыходам новага навучальнага года і зычыць цікавага і займальнага падарожжа ў краіну карысных ведаў!

А таксама прапануе бацькам, дзецям і настаўнікам сёе-тое ў дапамогу:

1. Расклад заняткаў па-беларуску! Яго можна спампаваць і выдрукаваць.

2. Пропісы для выдруку і трэніроўкі пісьма.

3. Прыкладны спіс неабходных набыткаў у 1 клас і ў 2 клас.

4. Беларуская каляндарная сетка, якая дапаможа зрабіць уласны планінг.

5. Гімны беларускіх школ.

6. Цудоўная школьная песенька «Літарынка» з тэкстам і нотамі на словы Рыгора Барадуліна і музыку Васіля Раінчыка.

7. Традыцыйныя школьныя спевы, без якіх многія не ўяўляюць 1 верасня: «Чаму вучыць школа» і «Крылатыя арэлі» – па-беларуску.

8. Расклад заняткаў і перапынкаў у 23 беларускай гімназіі (Мінск).

9. Ідэі гульняў на перапынках як у кабінеце, так і ў школьным двары.

10. Сцэнар свята 1 верасня.

11. Падборка вершаў пра школу.

12. Ну а калі для поўнага шчасця бракуе толькі грошай – калі ласка, друкуйце талеры!

Як падарунак-успамін пра лета выйшаў №2 першага сямейнага беларускага самвыдату – каляровы ілюстраваны часопіс «Гарбузік». У ім вы знойдзеце цудоўныя вершы і казкі, разнастайныя заданні, ідэі гульняў. Часопіс можна спампаваць, а можна набыць надрукаваны варыянт, замовіўшы па skype: kryscina, e-mail: n.dzietki@yahoo.com .

З найлепшымі зычэннямі,
dzietki.org

(Даслаць тэксты, ідэі, каментары, просьбы пра напаўненне сайту «Нашыя дзеткі» вы можаце як у адпаведны раздзел на форуме, так і на адрас dzietki@gmail.com ці n.dzietki@yahoo.com)