Cустрэча па наладжванні партнёрства ў сацыяльнай і адукацыйнай сферах

16 жніўня; апошні тэрмін падачы заявак – 14 жніўня 2012 г.

Асветніцкая ўстанова «Офіс еўрапейскай экспертызы і камунікацый» у партнёрстве з грамадскім аб’яднаннем «Моладзевы адукацыйны цэнтр "Фіальта"» 16 жніўня 2012 г. ладзіць сустрэчу па наладжванні партнёрства паміж грамадскімі аб’яднаннямі Беларусі, краін Еўрапейскага Саюза і «Усходняга партнёрства».

На сустрэчы будзе прэзентавана спецыфіка дзейнасці грамадскіх арганізацый Фінляндыі, Нідэрландаў, Італіі, Грузіі ды Украіны з далейшым абмеркаваннем сфераў магчымай супрацы з беларускімі арганізацыямі ў сацыяльнай і адукацыйнай сферах.

У якасці гасцей мерапрыемства выступяць прадстаўнікі Моладзевага цэнтра «Hyvärilä» (Фінляндыя), Платформы «Spartak» (Нідэрланды), Binario Uno (Італія), Асацыяцыі «Людзі» (Украіна), Акадэміі міру і развіцця (Грузія).

Да ўдзелу ў сустрэчы запрашаюцца грамадскія аб’яднанні Беларусі, якія рэалізуюць праграмы ў галіне нефармальнай адукацыі моладзі, культуры, здаровага ладу жыцця і спорту, валанцёрства, моладзевага прадпрымальніцтва ды інш.

Сустрэча пройдзе 16 жнўня 2012 г. з 16.00 да 18.00 па адрасе: Мінск, Мяснікова, 35 (офіс ГА «МАЦ "Фіальта"» – гл. карту на сайце www.fialta.org).

Для ўдзелу ў сустрэчы неабходна запоўніць анкету-заяўку і даслаць яе на oeec.ngo@gmail.com не пазней за 4 жніўня 2012 г.

На сустрэчы будзе арганізаваны пераклад з англійскай на рускую.

Арганізатары не пакрываюць выдаткаў удзельнікаў на праезд.

Па дадатковую інфармацыю звяртайцеся: тэл. 375 17 392 21 53, 375 29 631 57 49 (Вэлком); oeec.ngo@gmail.com.

Праграма сустрэчы па наладжванню партнёрства (doc 59 Kb)
Анкета-заяўка для ўдзелу ў сустрэчы (doc 57 Kb)