Архіў навін

Складзеныя Юрыем Петуховым

7 клас:

Міні-праверачная работа па тэме «Раўнамерны і паступальны рух» (pdf, 34 КБ)

Міні-праверачная работа па тэме «Раўнанне раўнамернага руху» (pdf, 22 КБ)

Самастойная работа па тэме «Механічны рух» (pdf, 31 КБ)

Кантрольная работа па тэме «Механічны рух. Шчыльнасць» (pdf, 54 КБ)

Кантрольная работа па тэме «Рух і сілы» (pdf, 55 КБ)

Кантрольная работа па тэме «Ціск» (pdf, 65 КБ)

8 клас:

Міні-праверачная работа па тэме «Будова атама» (pdf, 27 КБ)

Кантрольна работа па тэме «Электрычны ток» (pdf, 46 КБ)

Таксама даступны архіў зыходнікаў матэрыялаў у фармаце .tex (zip, 9 КБ).

Конкурс для маладых рэжысёраў: правы чалавека

Работы мусяць быць прысвечаныя адной з наступных тэмаў: роўнасць, грамадзянскія правы, правы дзіцяці, правы жанчын, міжнародная справядлівасць, СНІД, навакольнае асяроддзе, правы сексуальных меншасцяў, ахова здароўя, вайна і ваенныя канфлікты, свабода выяўлення, барацьба з тэрарызмам, гендэр, уцякацтва, іміграцыя, эканамічныя, сацыяльныя і культурныя правы і некаторыя іншыя.


Абраныя працы пачнуць вандраваць па многіх гарадах, пачынаючы з паказаў Міжнароднага кінафэстывалю, прысвечанага правам чалавека, у Нью-Ёрку з 9 па 16 чэрвеня 2008 году.


Апошні тэрмін падачы заяваў: 8 лютага 2008 году. Форму заяўкі глядзіце на сайце generation.by

Дыстанцыйныя курсы Еўрапейскага гуманітарнага універсітэта

З 1 да 28 лютага 2008 года ў Еўрапейскім гуманітарным універсітэце (ЕГУ) даступная рэгістрацыя на курсы дыстанцыйнага навучання вясновага семестра 2007–08 навучальнага года. Для грамадзян і сталых рэзідэнтаў Беларусі навучанне на дыстанцыйных праграмах бясплатнае.


Для навучання ў дыстанцыйным фармаце ў вясновым семестры адкрыты 53 курсы па ўсіх кірунках навучання ва універсітэце: дызайн, медыя і камунікацыя, сучаснае мастацтва, турызм і рэкрэацыя, гісторыя Беларусі, паліталогія і еўрапейскія даследаванні, сацыяльная і палітычная філасофія, міжнароднае права. Выпускнікі дыстанцыйных курсаў атрымаюць пасведчанні і сертыфікаты ЕГУ, якія могуць быць улічаны пры паступленні на вочныя або завочныя бакалаўрскія праграмы ЕГУ або выкарыстаныя для падачы ў іншыя замежныя ВНУ, а таксама ў якасці пасведчання павышэння кваліфікацыі.


Навучанне ажыццяўляецца выключна праз Інтэрнэт; у адукацыйным працэсе выкарыстоўваюцца самыя сучасныя інфармацыйныя тэхналогіі і метады выкладання. Шэраг дысцыплін, такіх, як, напрыклад, «Геаграфія міжнароднага турызму і рэкрэацыі" або спецыяльная тэрміналогія па камунікатыўным дызайне, чытаюцца на замежных мовах: англійскай, нямецкай, французскай.


Падрабязная інфармацыя аб адукацыйных праграмах Еўрапейскага гуманітарнага універсітэта знаходзіцца на сайце ЕГУ па адрасе: www.ehu.lt.

Падведзены вынікі конкурсу метадычных матэрыялаў

3 лютага адбылося ўзнагароджанне пераможцаў конкурсу «Ноўтбук для актыўнага настаўніка».

Усе дасланыя на конкурс матэрыялы выдадзеныя на дыску.

Рэдакцыя сайта шчыра віншуе пераможцаў, а таксама выказвае падзяку асобам і арганізацыям, якія далучыліся да фармавання прызавога фонду, дзякуючы чаму кожны ўдзельнік атрымаў каштоўныя падарункі.

Фотарэпартаж з цырымоніі