01.02.2008
Збор сродкаў на выданне выбраных твораў Рыгора Барадуліна
Кожны можа далучыцца да выдання кнігі «Выбраныя творы» Рыгора Барадуліна: выдавецтва «Кнігазбор» абвясціла збор сродкаў. Такім чынам атрымаецца надрукаваць кнігу хутчэй і па даступным кошце.
У кнігу ўвойдуць лепшая проза і паэзія Барадуліна, а таксама зробленыя ім пераклады з Уільяма Шэкспіра, Джорджа Байрана, Фэдэрыка Гарсія Лоркі ды іншых паэтаў.
Усе ахвотныя спрычыніцца да папаўнення серыі «Беларускі Кнігазбор» такім яскравым імём, як Рыгор Барадулін, могуць звяртацца ў выдавецкае прадпрыемства «Кнігазбор» па тэлефонах:
* (017) 204–86–97 (гарадскі)
* (029) 772–19–14 (МТС)
* (029) 912–83–86 (Velcom)
Паводле generation.by