Курс “Інтэграцыйныя працэсы ды інстытуцыі Еўрапейскага саюза”: Набор слухачоў

Арганізацыйны сход – 11 лістапада

Алесь Лагвінец у супрацы з Беларускім Калегіюмам і Таварыствам Беларускай мовы абвяшчае набор слухачоў на курс “Інтэграцыйныя працэсы ды інстытуцыі Еўрапейскага саюза”.

Мэта курсу – адлюстраваць дэталёвую карціну палітычных працэсаў і асноўных палітыкаў Еўрасаюза, паказаць асноўныя мадэлі і этапы эвалюцыі ЕС, развіць у слухачоў навыкі аналізу еўрапейскіх інтэграцыйных працэсаў.

У рамках курсу адбываюцца дэбаты і абмеркаванні актуальных пытанняў еўраінтэграцыі з запрашэннем беларускіх і замежных экспертаў, а таксама еўрапейскіх дыпламатаў.

Курс прызначаны для студэнтаў (палітолагаў, праўнікаў, журналістаў) мінскіх ВНУ, маладых спецыялістаў і ўсіх зацікаўленых паглыбленым вывучэннем еўрапейскай інтэграцыі. Існуе таксама магчымасць дыстанцыйнага навучання.

Курс складаецца з 17 заняткаў. Слухачы курсу маюць магчымасць браць удзел у праграмах абмену, якія рэалізуюцца супольна з еўрапейскімі адукацыйнымі ўстановамі, у прыватнасці Каледжам Еўропы (Наталін, Польшча).

Мова выкладання курсу – беларуская. Для вывучэння ўсіх матэрыялаў курсу веданне англійскай мовы вельмі пажаданае, але не абавязковае.

Арганізацыйнае спатканне адбудзецца ў чацвер 11 лістапада 2010 г. а 17.00 на сядзібе Таварыства беларускай мовы (вул. Румянцава, 13).

Дадатковая інфармацыя: +375296061034 a @ lahviniec.org