Беларуская Палічка падрыхтавала да новага навучальнага года збор дадатковага матэрыялу па гісторыі для школьнікаў. Туды ўвайшлі спасылкі на кнігі вядомых гісторыкаў, аўдыя- і відэаматэрыялы, дакументальныя і мастацкія фільмы.
Стваральнікі спадзяюцца, што размешчаны матэрыял дазволіць атрымаць беларускім школьнікам не толькі дадатковыя веды па розных перыядах гісторыі Беларусі, але і ўбачыць яе праз беларускую прызму.
Трэба адзначыць, што некалькі гадоў таму Беларуская Палічка падрыхтавала надзвычай папулярны сярод вучняў і настаўнікаў збор твораў па беларускай літаратуры, які адпавядае школьнай праграме (многія кнігі амаль немагчыма знайсці ў бібліятэках).