"МедыяНавігатар” - сайт-дапаможнік для настаўнікаў, выкладчыкаў і медыяадукатараў.
Стваральнікі яго назвалі “тулкіт” – скрынка інструментаў. Гэта набор гатовых практыкаванняў па развіцці медыяпісьменнасці з усімі дадаткамі, раздаткамі, спасылкамі на медыя – бяры і карыстайся!
Сайт мае навігацыю па ўзросце (ад дзіцячага садка да дарослых), па тэмах (факты і меркаванні, маніпуляцыя, рэклама, стварэнне медыя, інфа-бяспека, этыка, дэзінфармацыя, стэрэатыпы, сацыяльныя медыя і інш.), метадах (групавая і індывідуальная работа, гульня, дэбаты, дыскусія, мазгавы штурм, праект, выкарыстанне кейсаў) і ўзроўнях складанасці.
"МедыяНавігатар” зрабілі разам практыкі-педагогі, журналісты і медыяэксперты з 11 краін: Германіі, Арменіі, Беларусі, Украіны, Расіі, Грузіі, Малдовы, Польшчы, Румыніі, Латвіі, Кіргізіі.
Пакуль на сайце 45 практыкаванняў, частка якіх створана беларускімі настаўнікамі.
"МедыяНавігатар” – гэта міжнародная лабараторыя медыяпісьменнасці, якая будзе працягваць сваю работу, а значыць чакайце новыя ідэі і новыя практыкаванні.
Карыстайцеся! Распаўсюджвайце! Дзяліцеся з калегамі!
Пакуль мова тулкіта – руская (менавіта ў Расіі найбольшыя праблемы з медыяпісьменнасцю грамадзян). Аднак удзельнікі праекта маюць намер зрабіць пераклады для сваіх краін.
