Міхась Кудзейка:
ПЕРШЫ, ДРУГІ І ТРЭЦІ!!!
Сябры, вітаю і дакладаю... Летні адпачынак прайшоў карысна;) Вольны час, цудоўнае надвор'е і творчы калектыў выдавецтва паспрыялі выхаду дапаможнікаў па працоўнаму навучанню для 3 класа.
Нагадваю, што змест дапаможнікаў распрацаваны на аснове стратэгіі "АКТЫЎНАЯ АЦЭНКА". А гэта значыць, што дапаможнікі адпавядаюць усім патрбаванням сучаснай адукацыі: асобасна арыентаванае навучанне, кампетэнтнасны падыход, безадзнакавая кантрольна-ацэначная дзейнасць. Вучэбна-метадычны комплекс да кожнага класа ўтрымлівае: сшытак с творчымі заданнямі і тэхналагічнымі картамі, альбом з матэрыямламі, выкрайкамі, шаблонамі (для вучняў); план-канспект з распрацоўкамі ўрокаў і журнал безадзнакавай ацэнкі дзейнасці вучняў (для настаўнікаў).
Я вельмі стараўся, каб змест дапаможнікаў быў цікавы сучасным вучням і карысны творчым натаўнікам. Таму, ў дапаможніках прапанаваны інтэрактыўныя формы вучэбнага супрацоўніцтва на аснове праектнай, калектыўнай і вольнай творчасці, а змест насычаны цікавымі і карыснымі справамі па стварэнні гульняў, цацак, падарункаў і сувеніраў, Усе адпавядае праграме і каляндарна-тэматычнаму планаванню.
Дааааа, настаўнікі чацвертых класаў, не хвалюйцеся:), дапаможнікі для 4 класа ужо на падыходзе і ўбачыць сваіх карыстальнікаў бліжэй да новага года.
Сябры, зробім навучанне нашых дзяцей цікавым і карысным для іх:))
19.08.2019
