"СКАРБОНКА ГУЛЬНЯЎ" – гэта гульні для дзяцей і дарослых, якія дапамогуць вывучыць родную мову без нуды і прымусу. Акрамя гэтага, яны навучаць вашых дзетак чытаць і паспрыяюць развіццю ўвагі і кемлівасці. Іх можна выкарыстоўваць на занятках у дзіцячых садках і школе, а таксама гуляць дома, усёй сям'ёй.
ПРАБЛЕМА, ЯКУЮ ВЫРАШАЕ ПРАЕКТ: Недахоп якасных дапаможных матэрыялаў для вывучэння дзецьмі роднай мовы, а таксама правядзення вольнага часу з равеснікамі і дарослымі.
РАШЭННЕ, ЯКОЕ ПРАПАНУЕ ПРАЕКТ:
Распрацоўка і выданне гульняў, якія павысяць цікавасць дзяцей і дарослых да роднай мовы і дапамогуць у яе вывучэнні.
НАША ЎНІКАЛЬНАСЦЬ:
• Далучэнне да вырашэння праблемы ўсёй сям’і (а тым самым – магчымасць вывучыць мову і дарослым).
• Дапамога выхавацелям і настаўнікам у выкладанні мовы.
• Гульні прапануюць розныя спосабы вырашэння праблемы.
• Распрацоўкай гульняў займаецца настаўнік-практык з вялікім вопытам работы.
Гэтыя гульні дазволяць зрабіць працэс навучання чытанню лёгкім і забаўляльным. Іх можна выкарыстоўваць як на занятках у дзіцячым садку і ў школе, так і дома.
Іх мэта – пазнаёміць дзяцей з гукамі і літарамі, якімі адрозніваюцца беларуская і руская мовы, а таксама заматываваць іх у вывучэнні роднай мовы, дапамагчы пашырыць слоўнікавы запас, развіць увагу, памяць, лагічнае мысленне і чытацкія кампетэнцыі. Падыходзяць для выкарыстання на ўроках і факультатывах у 1 – 4 класах, а таксама дома. У кожнай скрыначцы карткі, якія можна выкарыстаць шматразова, у залежнасці ад мэтаў занятку. Ёсць правілы і слоўнік-дапаможнік.
Дапамогуць пашырыць слоўнікавы запас дзяцей на пэўныя лексічныя тэмы, а таксама будуць добрым дапаможнікам у развіцці ўвагі, памяці, лагічнага мыслення, чытацкіх кампетэнцый.
Падыдуць для выкарыстання на ўроках, факультатывах, пазакласных мерапрыемставах на тэмы пра Беларусь і іншыя. Гэта – ўжо гатовы матэрыял для спаборніцтваў паміж групамі дзяцей і сямейнымі камандамі. Абмежаванняў па ўзросту няма.
Звяртаем увагу на старонку У ДАПАМОГУ НАСТАЎНІКУ
Сачыць за апрабацыяй гульняў можна на старонцы Праект «Скарбонка гульняў" аўтаркі праекта Наталлі Галко.
Рэкамендуем! Далучайцеся.