Архіў навін
А ці здолееце вы?
На сайце праекта Alma Mater размешчаны ліст ад беднай маці, не здольнай развязаць задачу са «Зборніка задач па матэматыцы для 5-га класа» (аўтары Л.А. Латоцін і Б.Д. Чабатарэўскі, Мінск «Народная асвета», 2001 год, рэкламаваны, між іншым, на сайце Нацыянальнага інстытута адукацыі). Задача 1033, умова: Бакі трохвугольніка такія, што сёмая частка адной з іх роўная адзінаццатай частцы паменшанай на 6 см другой і чатырнаццатай частцы павялічанай на 6 см трэцяга боку. Знайдзіце бакі трохвугольніка, улічваючы, што яго перыметр роўны 288 см. У адказах: 84 см, 75 см, 72 см.
Яшчэ адна задачка – 1301: Сваротва, Ятранка, Промша – найболей водныя прытокі Моўдачы. Сярэднегадавыя расходы вады ў вусцях гэтых рэк такія, што пяцідзесятая дзель расходу вады Промшы роўная дзевяцісотай частцы расходу вады Сввротвы і сто трыццаць трэцяй дзелі выдатку вады Ятранкі. Знайдзіце расходы вады гэтых рэк у кубічных метрах за гадзіну, улічваючы, што агульны расход вады гэтых рэк роўны 935 712 куб.м/сут.
."
На жаль, ні мы, ні аўтары праекта Alma Mater не здолелі такім чынам скласці даўжыні бакоў трохвугольнікаў 84, 75 і 72 см, каб атрымаць дадзены ва ўмовах перыметр 288 см. Мы ўпарта атрымлівалі 231 см. Да арыфметыкі 5-га класа сучаснай рэфармаванай школы з палегчанай нагрузкай на вучняў, відаць, не дараслі.
Відаць, са школьных гадоў цяпер прывучаюць да суцэльнай неадпаведнасці напісанага і сапраўднага (прычым неадпаведнасць гэтую можа часам не заўважаць і самі настаўнікі, змучаныя праверкамі і бюракратыяй). Таксама прывучаюць да паспешна і нізкаякасна напісаных падручнікаў, аўтарам якіх нечакана, тэрмінова і неадкладна даручаюць напісаць «хоць нешта», каб не збіць план выдавецтваў, і ўрэшце рэшт да прафанацыі як жыццёвай нормы.
Іншыя развагі на гэты конт чытайце тут
Каментваць
Конкурс студэнцкага кіно
Трэці мінскі студэнцкі фэст кіно і відэа “Кінагрань” пройдзе з 22 па 26 красавіка. Праграма будзе ўключаць у сябе як міжнародны конкурс “Маладыя прафесіяналы”, так і нацыянальны конкурс незалежнага і аматарскага кіно. Таксама плануецца правядзенне шэрагу пазаконкурсных і тэматычных паказаў.
Для папярэдняга адбору ў конкурс “Маладыя прафесіяналы” у аргкамітэт фэсту ўжо паступілі працы больш за з 20 краін міру (Аўстраліі, Бельгіі, Балгарыі, Велікабрытаніі, Венгрыі, Германіі, Ізраіля, Іспаніі, Ірана, Канады, Кітая, Нігерыі, Нідэрландаў, Польшчы, Партугаліі, Расіі, Румыніі, Славеніі, ЗША, Турцыі, Украіны, Фінляндыі, Францыі, Чэхіі, Швецыі, Швейцарыі, Эстоніі і Японіі).
Большасць фільмаў – удзельнікі студэнцкіх конкурсаў і раўналежных праграм міжнародных кінафэстаў у Канах, Берліне, Лакарна, а таксама конкурсных паказаў МКФ у Амстэрдаме, Ратэрдаме, Кракаве, Карлавых Варах, Катбусе, Лейпцыгу, Гетэбургу, Кёльне, Барселоне, Тэгеране, Таронта і йнш.
Арганізатары запрашаюць усіх беларускіх аўтараў для ўдзелу ў фэсце “Киногрань”. Прымаецца анімацыя, гульнявыя, дакументальныя і эксперыментальныя фільмы, музычнае відэа.
Азнаёміцца з падрабязнасцямі і правіламі ўдзелу можна тут:
http://bsu.by/main.asp?id1=70&id2=100286
Паводле moladz.org
У бюлетэні змешчаныя артыкулы пра візіты Таварыства беларускай школы ў беларускамоўныя навучальныя ўстановы г. Мінска, педагагічная майстэрня Галіны Дрокінай па выкарыстанні актыўных метадаў навучання, абвестка пра конкурс «Беларускі настаўнік года».
Бюлетэнь цалкам знаходзіцца тут.
У бюлетэні змешчаныя артыкулы пра візіты Таварыства беларускай школы ў беларускамоўныя навучальныя ўстановы г. Мінска, педагагічная майстэрня Галіны Дрокінай па выкарыстанні актыўных метадаў навучання, абвестка пра конкурс «Беларускі настаўнік года».
Бюлетэнь цалкам знаходзіцца тут.
>
“Капітан Танака” чакае ў госці
7 лютага (у суботу) ў 16:00 dzietki.org запрашае Вас і Вашых дзетак на прэзентацыю кнігі Алеся Кудрыцкага «Капітан Танака»!
Месца сустрэчы: Мінск, Старавіленскі тракт, 41 Палац дзяцей і моладзі, каб. 108.
У праграме: знаёмства з аўтарам і выдаўцамі, майстар-клас па ляпленні Танакаў з пластыліну, прагляд мультфільма, аўтографы і фотаздымкі.
Не забудзьцеся прыхапіць пластылін, дошчачкі, сурвэткі!
Ахвотных просім тэлефанаваць: (029) 676 89 88 (Стася), запісвацца на форуме, ці канатктаваць праз e-mail: n.dzietki@yahoo.com, skype: Kryscina, icq: 353 181 833
Увага! Колькасць месцаў абмежаваная.
Праграмны твор Уладзіміра Караткевіча – цяпер і ў аўдыёфармаце
Раман Уладзіміра Караткевіча “Каласы пад сярпом тваім” цяпер можна не толькі чытаць, але і слухаць. Выдавецка-рэкламная кампанія “БелТонМедыя” выпусціла яго ў фармаце МР3, чым запачаткавала бібліятэку аўдыёкніг знакамітага майстра айчыннай літаратуры.
Літаратурныя сустрэчы са школьнікамі
4 студзеня ў мінскай бібліятэцы №6 адбудзецца сустрэча з Эдуардам Акуліным і Анатолем Вярцінскім. Час удакладняецца.
5 студзеня вучні пачатковай школы №39 Мінска сустрэнуцца з дзіцячым пісьменнікам Анатолем Зэкавым.
5 студзеня імпрэзы з удзелам Леаніда Дранько-Майсюка і Эдуарда Акуліна пройдуць у трох брэсцкіх бібліятэках: бібліятэцы юнацтва (пачатак а 12.00), цэнтральнай гарадской дзіцячай бібліятэцы (а 15.00) і ў брэсцкай абласной бібліятэцы (а 17.00).
Паводле budzma.org
Беларускамоўныя віктарына і філворды
Раней мы пісалі ўжо аб выдатнай кніжцы настаўніцы гарадзенскай школы №10 Ірыны Сыско «Шляхі да роднай мовы», скіраванай дапамагчы дзецям авалодаць і карыстацца беларускай мовай у рускамоўным асяроддзі.
Зараз прапануем вам распрацоўкі пытанняў да віктарыны «Знаўцы роднай мовы», якія ўвайшлі ў гэтую кнігу, а таксама беларускамоўныя філворды.
Спампаваць пытанні віктарыны (doc, 43 КБ)
Спампаваць філворды (doc, 69 КБ)
Агенцтва ЗША па міжнародным развіцці аб'яўляе конкурс на ўдзел у праграме абмену для прафесіяналаў Community Connections
Праграма Community Connections – гэта трохтыднёвая праграма ў ЗША, падчас якой праходзяць візіты групы ўдзельнікаў у амерыканскія арганізацыі падобнага прафесійнага профіля для абмену досведам.
Удзельнікі таксама атрымоўваюць унікальную магчымасць азнаёміцца з амерыканскай культурай і жыццём. Адбор праводзіцца на конкурснай аснове па выніках анкет і гутаркі. Веданне англійскай мовы для ўдзелу ў праграме не патрабуецца.
Праграма Community Connections прадстаўляе пераможцам конкурсу пражыванне ў амерыканскай сям'і, бясплатны пералёт да месца стажыроўкі і назад, пражыванне, паслугі перакладчыка і медыцынскую страхоўку.
Tэмы праграм Community Connections на 2009г.:
1. Развіццё прафесійных асацыяцый – май 2009г.
2. Роля адвокасі арганізацый у грамадзянскай супольнасці – чэрвень 2009г.
3. Развіццё мясцовых супольнасцяў – ліпень 2009г.
4. Юрыдычныя паслугі для неабароненых пластоў насельніцтва – жнівень 2009г.
5. Удасканаленне сістэмы першаснай медыка-санітарнай дапамогі – верасень 2009г.
Больш пра праграму чытайце тут.
Для ўдзелу ў адной з праграм Community Connections запоўніце прыкладзеную анкетуі не пазней указанага тэрміна перадайце або перашліце яе ў Агенцтва ЗША па міжнародным развіцці: Агенцтва ЗША па міжнародным развіцці вул. Старавіленская, 46 220003, г. Мінск Тэл.: (017) 210–12–83 Адрас электроннай пошты: mskcomcon@state.gov Дадатковую інфармацыю па праграме Community Connections можна атрымаць па тэлефоне (017) 210–12–83, дадатковы нумар 4565.
Не страцьце выдатную магчымасць для прафесійнага развіцця і знаёмства з культурай Амерыкі!
Выстава забытага мастака
29 студзеня ў Мінску ў фальварку “Добрыя мыслі” адчынілася
экспазіцыя твораў Паўлы Южыка. Мастак жыў, працаваў і тварыў у вёсках,
мястэчках і гарадах Заходняй Беларусі напрыканцы 19-га і ў першай
палове 20-га стагоддзяў, аднак персанальную выставу займеў толькі
праз шэсцьдзесят пяць гадоў пасля смерці.
Чытайце на старонцы радыё Свабода