Архіў навін
Прыём электронных заявак – да 5 Сакавіка!
31 сакавіка – 1 красавіка ў Кракаве будзе праходзіць Адкрытая школьная алімпіяда па электроніцы і радыётэхніцы.
Паводле умоваў алімпіяды, удзельнікамі могуць быць навучэнцы сярэдніх школ
Польскай Рэмпублікі - а таксама замежныя вучні эквівалентных навучальных ступеняў. Колькасць удзельнікаў ад кожнай школы не больш за шэсць вучняў. Арганізатары вышлюць запрашэнні і прыклады заданняў для трэніроўкі.
Радыё Свабода
Магілёўская абласная арганізацыя Таварыства беларускай мовы ўзнагародзіла пераможцаў інтэлектуальнага спаборніцтва «Беларускае пяціборства — 2011». Урачыстасць праходзіла ў дэканаце педагагічнага факультэта дзяржаўнага ўніверсітэта імя Куляшова. Універсітэт дапамагае суполцы праводзіць спаборніцтва.
У сёлетнім «Пяціборстве» ўдзельнічалі 42 вучні старэйшых класаў. Гэта рэкордная колькасць удзельнікаў за час правядзення мерапрыемства. Як і ў папярэднія гады, спаборнікі спраўджвалі веды па пяці школьных дысцыплінах. Усе заданні — на беларускай мове. Адказваць школьнікі меліся таксама па беларуску. Якасць мовы ўлічвалася пры падвядзенні вынікаў.
Адбылося папярэдняе слуханне ў справе Наталлі Ільініч, якую звольнілі з працы пасля ператрусу ейнай хаты службоўцамі КДБ і МУСу. Прычына звальнення – недахопы ў вядзенні школьнай дакументацыі. У гэтым пераконвала суддзю дырэктар школы Наталля Мяркулава. Але Наталля Іллініч спадзяецца, што суд адновіць яе на працы
Пачатковая школа, курс “Здаровы лад жыцця”. Аўтар: настаўніца 27 мінскай гімназіі Вольга Дабранская. Мэты: сфарміраваць першапачатковыя ўяўленні пра прастудныя захворванні, іх прыметы, меры папярэджання; пашырыць веды вучняў пра лекі і лекавыя расліны, іх уздзеянне на арганізм чалавека; вучыць асцярожна абыходзіцца з лекамі; выхоўваць пачуццё ўзаемадапамогі і спачування блізкаму.
Прастудныя захворванні: сцэнар пазакласных заняткаў
Пачатковая школа, курс “Здаровы лад жыцця”.
Аўтар: настаўніца 27 мінскай гімназіі Вольга Дабранская.
Мэты: сфарміраваць першапачатковыя ўяўленні пра прастудныя захворванні, іх прыметы, меры папярэджання; пашырыць веды вучняў пра лекі і лекавыя расліны, іх уздзеянне на арганізм чалавека; вучыць асцярожна абыходзіцца з лекамі; выхоўваць пачуццё ўзаемадапамогі і спачування блізкаму.
Абсталяванне: малюнкі лекавых раслін, касцюмы доктара Пілюлькіна і Нязнайкі, тэрмометр, марлевая павязка, набор лекаў, сігнальныя карткі, плакаты з правіламі, рэцэпты-сюрпрызы.
2 сакавіка
Аўтары Кацярына Баброўская і Алесь Лозка запрашаюць на прэзентацыю мультымедыйных дапаможнікаў «Дапаможнік лялечніка» і «Жаніцьба Цярэшкі».
Пэзентацыя адбудзецца ў актавай зале корпуса БДПУ па адрасе: вул. Магілёўская, д. 37.
Пачатак а 17-й гадзіне.
Кожную сераду
Запрашаем далучыцца да клуба аратарскага майстэрства “ПраМова”. У зычлівым і сяброўскім атачэнні значна лягчэй дасканаліць свае камунікацыйныя і лідэрскія якасці!
Клуб – выдатная магчымасць пазнаёміцца з цікавымі людзьмі, знайсці сяброў і адпачыць ад штодзённых клопатаў. У нас размаўляюць выключна па-беларуску, вучацца красамоўна апавядаць ці нават проста гутарыць на роднай мове.
Сустрэчы праходзяць кожную сераду ў 18.45 у сядзібе Таварыства Беларускай Мовы (вул. Румянцава, 13).
Кантакты: + 375–29–565–77–66, pramova.club@gmail.com
Прыём матэрыялаў да 20 мая 2011 г. 
Абвешчаны конкурс адукацыйных матэрыялаў «Адукацыя для свабоды. Ноўтбук актыўнаму настаўніку»!
Мэты конкурсу: стварэнне новых адукацыйных і дыдактычных матэрыялаў развіццёвай педагогікі, скіраваных на ўзгадаванне свабоднай і творчай асобы, грамадзяніна Беларусі; іх папулярызацыя, забеспячэнне доступу да іх шырокага кола педагогаў, бацькоў, усіх, хто працуе з дзецьмі і моладдзю.
Намінацыі конкурсу:
• Методыка навучання ва ўстановах фармальнай і нефармальнай адукацыі;
• Сучасны ўрок;
• Грамадзянская адукацыя і нацыянальная культура;
• Настаўнік – сям’я – грамадства;
• Электронны адукацыйна-выхаваўчы рэсурс.
Форма заяўкі (doc 30 Kb)
generation.by 
Там ёсць копіі рэальных лабараторый і цэнтраў, а рэгістрацыя ў Power of Research даступная любому жадаючаму. Не патрэбна і адмысловых ведаў, каб адчуць сябе сапраўдным навукоўцам ці даследчыкам і «пахімічыць». Так Еўразвяз імкнецца прыцягнуць у навуку болей моладзі, кошт «онлайн-вярбоўкі» ў навуку склаў болей паўмільёна еўра.
Зарэгістравацца ў гульні можна і беларусам — сярод спісу краін такая магчымасць ёсць, а «папрацаваць» можна ў інстытутах і лабараторыях у васьмі краінах Еўразвяза.
Гражына Шалкевіч, Твой стыль 
Традыцыйны фестываль-кірмаш народных майстроў пройдзе ў Гродне 27 лютага.
“Казюкі” ладзяцца з мэтай адраджэння даўняй традыцыі першых веснавых кірмашоў, якія на Гродзеншчыне і Віленшчыне вядомыя з канца 18 ст. Пачынаючы з 1690 г. гэтыя кірмашы называюцца “Казюкі”, бо праводзіліся 4 сакавіка, у дзень св. Казіміра. Майстры мелі магчымасць дэманстраваць работы зробленыя за зімовы перыяд. Лічылася, як пройдзе гандаль у гэты дзень – такі будзе і ўвесь год.