Архіў навін

Прэзентацыя «Скандынаўскія навучальныя гурткі як метад нефармальнай адукацыі дарослых Швецыі"


30 мая ў Мінску ў 13.30 адбудзецца презэнтацыя метаду навучальных гурткоў, якую арганізуе група шведскіх экспертаў у сферы нефармальнай адукацыі.


Прэзентацыя разлічаная на аўдыторыю, якая не знаёмая з метадам альбо мае невялікі досвед удзелу ў падобных гуртках. Шведскія эксперты распавядуць аб асаблівасцях правядзення навучальных гурткоў для дарослых ды іх ролі ў жыцці Швецыі.


Прэзентацыя адбудзецца на англійскай мове з перакладам на рускую і будзе цягнуцца 3 гадзіны. Тыя, каго зацікавіць гэты метад, змогуць падаць заяўку на ўдзел у семінары па навучальных гуртках, які адбудзецца ўвосень.


Запісацца на прэзентацыю можна па тэл.: 029–6450612 (Алёна) альбо праз эл. пошту: velichko.alena@gmail.com з пазнакай у тэме «прэзэнтацыя».


Паводле n-europe.eu

Школа правоў чалавека для дасведчаных адукатараў


Школа правоў чалавека для адукатараў, арганізаваная міжнароднай сеткай арганізацый, што працуюць у сферы адукацыі па правах чалавека, запрашае Вас узяць удзел у Курсе павышэння кваліфікацыі адукатараў у галіне правоў чалавека «Крок наперад» (чэрвень-кастрычнік 2010 года). Курс будзе складацца з чатырох навучальных семінараў, а таксама выканання ўдзельнікамі індывідуальных заданняў паміж семінарамі.

Мэта Курса: павышэнне кваліфікацыі адукатараў, якія працуюць са зместам правоў чалавека ў фармальнай і нефармальнай сферы, праз правядзенне цыклу адукацыйных мерапрыемстваў.

Мэтавая група Курса: настаўнікі, выкладчыкі, трэнеры, якія маюць досвед выкладання курса “правы чалавека” ці яго элементаў у сярэдніх і вышэйшых навучальных установах, праграмах павышэння кваліфікацыі, праграмах дадатковай адукацыі і асветы моладзі і дарослых.

Канцэпцыя Курса базуецца на наступных прынцыпах:

– актыўная стратэгія навучання;
– абмен досведам паміж удзельнікамі;

– узаемнае навучанне;

– планаванне навучання сыходзячы з патрэбаў удзельнікаў.

Фармат Курса: чатыры трохдзённыя семінары (пятніца-субота-нядзеля), а таксама індывідуальная і сумесная дзейнасць удзельнікаў паміж семінарамі (да 3 гадзін у тыдзень).

Тэрміны і месцы правядзення семінараў: 4–6 чэрвеня (Гродна), 2–4 ліпеня (Гродна), 10–12 верасня (Вільня), 15–17 кастрычніка (Вільня) 2010 года.

Удзельнікі Курса: колькасць – 20 чалавек, узрост – не абмежаваны.

Трэнерская група: Заняткі ў рамках Курса праводзяць беларускія і замежныя трэнеры, якія спецыялізуюцца ў пытаннях адукацыі ў галіне правоў чалавека (АПЧ), а таксама эксперты міжародных арганізацый (Рада Еўропы, АБСЕ).

Уводны семінар у рамках Курса адбудзецца 4–6 чэрвеня 2010 года ў г. Гродна.


шая інфармацыя размешчаная тут.

Навучанне ад Фонда «Адукацыя для Дэмакратыі"


Мэта навучання – авалоданне ўменнямі і рост матывацыі да стварэння эфектыўных партнерстваў пры дапамозе ІТ-тэхналогіі.


Навучанне ладзіцца ў тры этапы:

1.Навучанне e-learning: 1–30 чэрвеня.
2.Стацыянарнае навучаньне ў адзін з тэрмінаў:

– у Глівіцах (Польшча): 2–4 ліпеня;

– у Львове: 12–14 ліпеня;

– у Львове: 16–18 ліпеня

3. Навучанне e-learning: 1–31 жніўня.


Арганізатары забяспечваюць начлегі і харчаваньне падчас стацыянарнага курса і кампенсуюць выдаткі на дарогу.


Заяўкі дасылайце на эл.адрас: witek@kana.gliwice.pl.


Апошні тэрмін падачы заявак – да 15 мая.


Паводле adukacyja.info

"Ноч Музеяў" у Доме Коласа


Сёлета Беларусь ужо шосты раз запар далучыцца да “Ночы музеяў” — штогадовага свята, прымеркаванага да Міжнароднага дня музеяў.


15 мая з 18.00 да 23.00 гасцінны Дом Коласа будзе шчыра вітаць гасцей, сярод якіх прадстаўнікі пасольстваў Расіі, Украіны, Польшчы, Францыі, Літвы, прадстаўнікі міністэрстваў і ведамстваў Рэспублікі Беларусь, грамадскіх арганізацый, творчай моладзі.


У праграме свята:


• Выстаўка-кірмаш народных рамёстваў пад адкрытым небам “Горад майстроў” (сумесна з Беларускім саюзам майстроў народнай творчасці).


• Абрадавае свята “Добры дзень, лета!” (сумесна з кафедрай этналогіі і фальклору Беларускага дзяржаўнага універсітэта культуры і мастацтваў)


• Выстаўка-продаж непаўторных аўтарскіх лялек “Каруся, Палуся, Цацэля, Марцэля...”


• Тэатралізаваныя пастаноўкі па творах Якуба Коласа


• Майстар-клас старадаўніх беларускіх танцаў


• Магічны рытуал запісу запаветнага жадання за сталом Якуба Коласа чарніламі і пяром паэта


• “Кватэрнік у дзядзькі Якуба”: выступленне экстравагантных, непаўторных паэтаў і музыкаў А. Ячкоўскага, В. Лупасіна, А. Трафімчыка, Л. Тарасенка, Ю. Нератка, А. Краснабаева і інш.


• А таксама Джазавая феерыя на “Ночы музеяў — 2010”. Канцэрт знакамітага беларускага джаз-гурта “The Outsiders” & Паўла Аракеляна.

Адрас музея: г. Мінск, вул. Акадэмічная, 5