Архіў навін
Заяўкі прымаюцца ўвесь час, разглядаюцца на працягу 3 месяцаў 
Мэта праграмы – падтрымка грамадзянскіх ініцыятываў, прысвечаных стварэнню адкрытага грамадства і падрыхтоўцы дэмакратычных зменаў у Беларусі.
Фонд падтрымлівае праекты, звязаныя з:
• абуджэннем грамадзянскай актыўнасці, развіццём самакіравання і самаарганізацыі (у тым ліку адукацыйныя і культурныя мерапрыемствы ды моладзевыя ініцыятывы);
• абаронай правоў чалавека, прававой дапамогай, барацьбой з дыскрымінацыяй, пашырэннем цярпімасці;
• правядзеннем незалежных даследаванняў і аналізу;
• пашырэннем доступу да інфармацыі, развіццём традыцыйных і сацыяльных медыяў.
«Прычыны вайны і ход ваенных дзеянняў у 1914 – 1916 гг.» 
Даслала Іна Шымко, Глыбоцкая раённая гімназія.
Мэты ўрока для настаўніка: 1) раскрыць сутнасць міжнародных адносін напярэдадні Першай сусветнай вайны; 2) пашырыць веды вучняў аб новых спосабах вядзення вайны; 3) даць характарыстыку асноўным бітвам перыяду 1914 – 1916 гг.
«Прычыны вайны і ход ваенных дзеянняў у 1914 – 1916 гг.» Даслала Іна Шымко, Глыбоцкая раённая гімназія.
Урок для 9 класа распрацаваны паводле методыкі актыўнай ацэнкі.
Мэты ўрока для настаўніка: 1) раскрыць сутнасць міжнародных адносін напярэдадні Першай сусветнай вайны; 2) пашырыць веды вучняў аб новых спосабах вядзення вайны; 3) даць характарыстыку асноўным бітвам перыяду 1914 – 1916 гг. і дапамагчы ўсвядоміць бессэнсоўнасць вялікіх страт у вайне; 4) працягваць работу па фармаванні негатыўнага стаўлення да вайны, развіцці навыкаў працы з картай і гістарычнымі дакументамі.
Мэта на мове вучняў: даведацца, чаму пачалася Першая сусветная вайна; як складваліся адносіны паміж еўрапейскімі дзяржавамі Англіяй, Францыяй, Германіяй напярэдадні вайны; аб асноўных бітвах 1914 – 1916 гг.
Святлана Калінкіна, Народная Воля
Не ведаю, чаму маўчаць нашы сур’ёзныя грамадазнаўцы з нагоды ініцыятываў «Тозіка і К» у сферы адукацыі, але яны ж напэўна разумеюць, што гэты маленькі чалавек разварочвае краіну ва ўчорашні дзень.
Нагадаю тэзісна ідэі апошніх месяцаў: скараціць колькасць месцаў у педагагічных ВНУ, скараціць колькасць бюджэтных месцаў у ВНУ, павысіць кошт навучання, зачыніць малакамплектныя школы...
Краіне патрэбныя працоўныя! У XXI стагоддзе Беларусь увайшла пад такім лозунгам. Нашым кіраўнікам не падабаецца, што беларусы хочуць атрымліваць вышэйшую адукацыю. Ім не падабаецца, што трэба ўтрымліваць невялікія школы. Нам увесь час апавядаюць, як выдатна можна наладзіць жыццё пасля ПТВ. Вельмі папулярнай у вуснах розных чыноўнікаў стала фраза, што ў краіне зашмат спецыялістаў з вышэйшай адукацыяй.
У 2013 годзе на1700 месцаў скароціцца прыём абітурыентаў у ВНУ на навучанне за сродкі бюджэту, у тым ліку на дзённай форме навучання – на 800 месцаў. Пра гэта паведаміў міністр Сяргей Маскевіч 6 лютага на калегіі Мінадукацыі ў Мінску. А віцэ-прэм'ер Беларусі Анатоль Тозік на гэтай жа калегіі заклікаў шукаць рэсурсы для павелічэння зарплаты настаўнікам ўнутры сістэмы адукацыі. Для гэтага Міністэрства лічыць неабходным закрыць усе вячэрнія і малакамплектныя школы (летась іх было зачынена 120), вучэбна-вытворчыя камбінаты, а ў малых школах з наступнага навучальнага года 4 пачатковыя класы будуць вучыць толькі 2 педагогі замест чатырох.
Аптымізуюць з мэтай эканоміі не толькі школы, але і інстытуты павышэння кваліфікацыі, цэнтры дадатковай адукацыі. Аднак пра скарачэнне чыноўнікаў і колькасці правяраючых гаворка не вялася.
Узгадваюцца нядаўнія абяцанкі міністра адукацыі пра вяртанне профільнай адукацыі, увядзенне ваўчарнай сістэмы фінансавання школаў, дадатковыя гадзіны для вывучэння фізікі і матэматыкі, дагэтуль непадпісаныя правілы прыёму ў ВНУ, якія абяцалі яшчэ ў лістападзе... Хочацца спадзявацца, што і гэтыя намеры «аптымізаваць» таксама будуць толькі казкамі, якія настаўнікі ўжо прызвычаіліся слухаць без эмоцый.
Сакавік – чэрвень, пачатак навучання паводле камплектавання груп 
Еўрапейскі гуманітарны ўніверсітэт распачынае набор слухачоў на дыстанцыйныя курсы па павышэнні кваліфікацыі выкладчыкаў сярэдніх і вышэйшых навучальных устаноў, а таксама ўсіх, хто жадае:
- атрымаць тэарэтычныя веды і практычныя навыкі інтэграцыі інфармацыйна-камунікацыйных тэхналогій (ІКТ) у працэс навучання;
- пазнаёміцца з эфектыўнымі стратэгіямі праектавання, распрацоўкі і правядзення анлайн-курсаў;
- навучыцца тэхнікам эфектыўнага ўзаемадзеяння ў дыстанцыйным навучальным асяроддзі;
- даведацца пра змены працэсаў публічнай палітыкі ў эпоху Інтэрнэта і лічбавага грамадства;
- сфарміраваць веды і здольнасці да аргументаванай дыскусіі;
- пачаць вывучэнне літоўскай мовы.
Апошні тэрмін – 9 красавіка
Распачаты першы раўнд аплікацыяў у межах конкурсу «Стабільнасць грамадзянскай супольнасці Беларусі – 2». У рамках праекта беларускім арганізацыям трэцяга сектару прапануецца падтрымка ў мэтах забеспячэння пераемнасці дзейнсці і арганізацыйнага патэнцыялу па прасоўванні дэмакратыі, правоў чалавека, вяршэнства права.
Асаблівую ўвагу атрымаюць новыя інавацыйныя віды дзейнасці, а таксама надаванне магчымасцяў беларускім грамадзянскім структурам па эфектыўным і стратэгічным выкарыстанні міжнародных праваабарончых механізмаў.
Праект фінансуецца міжнароднымі донарамі, адмініструецца літоўскім бюро Савета міністраў паўноўчных краінаў у Вільні.
Апошні тэрмін – 28 лютага 2013, 17:00 
Рэгіянальны Экалагічны Цэнтр (Венгрыя) абвяшчае конкурс грантаў для арганізацый грамадзянскай супольнасці па абароне навакольнага асяроддзя і ўстойлівым развіцці ў Беларусі.
Прымаюцца заяўкі на нацыянальныя гранты (сумы ад 15 000 да 25 000 еўра) і на мясцовыя гранты (сумы ад 5 000 да 10 000 еўра).
Арганізацыі грамадзянскай супольнасці могуць падаваць заяўкі адначасова на нацыянальныя і мясцовыя гранты і распрацаваць некалькі дакументаў канцэпцый.
Максім Семановіч, Наша Ніва
Вучань гімназіі №1 Наваполацка Даніла Астроўскі прыйшоў да дырэктаркі і папрасіў, каб у навучальнай установе праходзілі дні беларускай мовы.
Яна згадзілася. Першы такі дзень адбыўся ў пачатку снежня: усе прадметы (акрамя замежных моваў) выкладаліся на роднай мове, а самі вучні размаўлялі выключна па-беларуску. Па словах Данілы, гэтым захапілася амаль уся школа – асабліва добра ўспрынялі такую ініцыятыву малодшыя класы.
Іна Шымко, Настаўніцкая газета 
Сучасная адукацыя арыентавана на тое, што навучэнец выступае паўнапраўным суб’ектам педагагічнага працэсу. Ад яго пазнавальнай актыўнасці залежыць дасягненне мэты навучання. Мара кожнага творчага настаўніка – выхаваць здольнага, адказнага, самастойнага навучэнца. Не сакрэт, што складана навучыць самастойна здабываць веды, яшчэ больш складана навучыць іх прымяняць на практыцы.