Архіў навін
«Па старонках гісторыі старажытнай Беларусі" (doc, 48 КБ) – гульня-віктарына. Аўтар – выхавальніца ГПД гомельскай школы №67 І. В. Кніга.
«Як помнікі воінскай славы, фарты крапасныя ўстаюць» (doc, 123 КБ) – Завочны ўрок-падарожжа па мемарыяльным комплексе «Брэсцкая крэпасць-герой», распрацаваны настаўніцай 36-й пачатковай школы г. Брэста І. І. Катоўскай
«Якой вышыні Курган Славы?» (doc, 187 КБ)- урок-роздум для вучняу 3 класа, распрацаваны Наталляй Янушэвіч
«Муры старажытных замкаў" (doc, 121 КБ)- урок для 3-га класа, распрацаваны настаўніцай мінскай школы №55 Л. В. Базыльічык.
Паводле часопіса «Пачатковая школа»
Распрацоўкі заняткаў па прадмеце «Мая Радзіма – Беларусь»
«Па старонках гісторыі старажытнай Беларусі" (doc, 48 КБ) – гульня-віктарына. Аўтар – выхавальніца ГПД гомельскай школы №67 І. В. Кніга.
«Як помнікі воінскай славы, фарты крапасныя ўстаюць» (doc, 123 КБ) – Завочны ўрок-падарожжа па мемарыяльным комплексе «Брэсцкая крэпасць-герой», распрацаваны настаўніцай 36-й пачатковай школы г. Брэста І. І. Катоўскай
«Якой вышыні Курган Славы?» (doc, 187 КБ)- урок-роздум для вучняу 3 класа, распрацаваны Наталляй Янушэвіч
«Муры старажытных замкаў" (doc, 121 КБ)- урок для 3-га класа, распрацаваны настаўніцай мінскай школы №55 Л. В. Базыльічык.
Паводле часопіса «Пачатковая школа»
Конкурс на стыпендыі на навучанне ў каледжах
Беларускі камітэт каледжаў міжнароднай супольнасці аб’яўляе конкурс на атрыманне бясплатных стыпендый на навучанне ў каледжах Італіі і Нарвегіі. Навучанне вядзецца на англійскай мове па сістэме Міжнароднага бакалаўрэата (International Bacalaureat, IB). Тэрмін навучання – 2 гады.
Прэтэндэнты мусяць мець 16 год на 1 верасня 2008 г. Конкурс адбываецца ў 2 туры. На 1 тур трэба даслаць да 2 сакавіка 2008 г. на электронны адрас uwcblr@gmail.com заяву на ўдзел у конкурсе, эсэ на тэму “Галоўныя выклікі сучаснасці” на беларускай ці англійскай мовах, копію ведамасці паспяховасці за бягучы навучальны год (чвэрці ці трыместры, дазваляецца перадрукаваць), характарыстыку класнага кіраўніка, а таксама аўтабіяграфію з роспавядам пра грамадскую, творчую і спартыўную дзейнасць.
Адабраныя кандыдаты атрымаюць запрашэнні на 2 тур. Ён адбудзецца 22 сакавіка 2008 г. у выглядзе гутаркі на англійскай і беларускай мовах дзеля выяўленя інтэлектуальнага ўзроўня і асабовых якасцяў кандыдата. Кандыдаты мусяць прадаставіць арыгіналы дакументаў, дасланых у электронным выглядзе на 1 тур, а таксама копіі грамат і дыпломаў, якія сведчаць пра грамадскую, творчую і спартыўную дзейнасць.
Час і адрас будуць пазначаныя ў запрашэнні.
Дадатковую інфармацыю пра UWC i IB можна знайсці на сайтах: www.uwc.org, www.ibo.org
Стажыроўка для менеджара па папулярызацыі беларускай культуры ў офісе “За дэмакратычную Беларусь” у Брусэлі
“Офіс за Дэмакратычную Беларусь” у Бруселі пры падтрымцы нямецкага Фонду
Роберта Боша (the Robert Bosch Stiftung) прапануе стажыроўку на 10 месяцаў для менеджэра па папулярызацыі беларускай культуры ў краінах Заходняй
Еўропы. Тэрмін падачы заявак: да 10 лютага 2008 г. Падрабязная інфармацыя – на http://svetlahorsk.belarda.org/info/abviestki/.
Адукацыйныя візіты ў Польшчу для студэнтаў з Беларусі, Расіі і Украіны
Польска-амерыканскі Фонд Свабоды, Калегія Усходняй Еўропы імя Яна Новака-Езеранскага, Фонд «Барусія», а таксама фонд «Адукацыя для дэмакратыі»
запрашаюць актыўных студэнтаў з Беларусі, Украіны, а таксама з Калінінградскай і Ленінградскай абласцей Расійскай Федэрацыі на навучальныя візіты ў Польшчу! Падчас праграмы 2-тыднёвага знаходжання ў Польшчы ўдзельнікам будзе прадастаўлена магчымасць:
– пазнаёміцца з дзейнасцю польскіх акадэмічных цэнтраў, даведацца аб працы грамадскіх арганізацый,
– сустрэцца з віднымі грамадскімі дзеячамі Польшчы,
– узяць удзел у лекцыях, семінарах, майстар-класах, культурных мерапрыемствах.
Веданне польскай мовы не з’яўляецца абавязковым для ўдзелу ў праграме.
Кандыдаты падаюць заяўкі на ўдзел у праграме, індывідуальна накіроўваючы па электроннай сувязі неабходныя дакументы. Заяўкі будуць разглядацца адмыслова створанай конкурснай камісіяй. Час правядзення візітаў: красавік, май, чэрвень 2008 г.
Падрабязная інфармацыя, інструкцыя па складанні заяўкі і бланк заяўкі – на http://svetlahorsk.belarda.org/info/abviestki/.
Конкурс малых грантаў
Праграма падтрымкі малых праектаў скіраваная на тое, каб дапамагчы рэалізаваць задумкі моладзевых групаў і ініцыятываў, грамадзкіх арганізацыяў і асобных грамадзянаў.
Аказваецца падтрымка ў правядзенні канкрэтнай акцыі, мерапрыемства, друку інфармацыйных матэрыялаў і інш.
Апошні тэрмін падачы заяваў: 1 сакавіка 2008 году.
Абвяшчэньне вынікаў: 30.03.2008 г.
Час на рэалізацыю праектаў: з 15.04.2008 пa 1.09.2008.
Падрабязную інфармацыю і форму заяўкі глядзіце ў файле Konkurs_malyh_grantau.doc
Конкурс на стыпендыю ў праграме імя Лэйна Кіркланда
Польска-Амерыканскі Фонд Свабоды, спонсар праграмы, і Польска-Амерыканская Камісія Фулбрайта, адміністратар праграмы, абвяшчаюць адкрыты конкурс для кандыдатаў з Беларусі, Украіны, Расіі, Арменіі, Азербайджану, Грузіі, Казахстану і Малдовы на атрыманне стыпендыі імя Лэйна Кіркланда ў 2008/2009 вучэбных гадах.
Праграма рэалізуецца ў межах разлічанага на два семестры курсу навучання ў вышэйшых навучальных установах Польшчы, а таксама 2–4 тыднёвых прафесійных стажыровак у дзяржаўных і прыватных установах і арганізацыях.
Абавязковае патрабаванне для кандыдатаў – веданне польскай альбо англійскай мовы.
Апошні тэрмін падачы заяваў: 10 сакавіка 2008 году.
Падрабязную інфармацыю чытайце тут
Вясновая акадэмія «Удзел у развіцці школы на аснове правоў дзіцяці/правоў чалавека»
25.3–2.4.2008 г. у Берліне адбудзецца міжнародны вучэбна-інфармацыйны семінар пад назвай Вясновая акадэмія «Удзел у развіцці школы на аснове правоў дзіцяці/правоў чалавека». Працоўнай мовай семінара з'яўляецца нямецкая. Усе жадаючыя прыняць удзел у семінары могуць падаваць свае заяўкі на конкурс і атрымаць стыпендыю.
Група сайту nastaunik.info, калегі-настаўнікі, сябры глыбока спачуваюць спадарыні Тамары Мацкевіч у яе вялікім горы – смерці бацькі.
Праграма “Primus inter pares”
ГА «Адукацыйны цэнтр «ПОСТ» запрашае маладых людзей ва ўзросце ад 18 да 25 гадоў да ўдзелу ў праграме 2008 году “Primus inter pares” (лат. «Першы сярод роўных»).
Праграма накіраваная на падрыхтоўку маладых лідэраў, здольных актыўна і эфектыўна ўдзельнічаць у дзейнасці грамадскіх арганізацый або ствараць свае арганізацыі і ініцыятывы, папоўніць шэрагі актывістаў і супрацоўнікаў арганізацый, якія працуюць у сучасным беларускім грамадстве.
Падчас удзелаў у праграме маладыя людзі атрымаюць унікальны досвед працы ў лепшых грамадскіх арганізацыях, пазнаёмяцца з новымі цікавымі формамі і метадамі навучання, усталююць кантакты ў розных сферах, разаўюць свае лідэрскія ўменні і навыкі.
Асноўныя этапы праграмы:
Першы, адборачны этап (люты – сакавік 2008), – мяркуюцца адукацыйныя мерапрыемствы, накіраваныя на знаёмства ўдзельнікаў з рознымі аспектамі тэмы «Лідэр і лідэрства».
Па выніках адборачнага этапу будзе сфармаваная сталая група ўдзельнікаў, якая атрымае магчымасць:
– прыняць удзел у цыкле адукацыйных праграмах, прысвечаных лідэрству, актыўнай жыццёвай пазіцыі, развіццю грамадзянскага грамадства і да т. п. (вясна-восень 2008);
– распрацаваць і правесці ўласныя невялікія адукацыйныя і асветніцкія мерапрыемствы (вясна-лета 2008);
– навучыцца навыкам праектнай дзейнасці і прыняць удзел у летнім лагеры (лета 2008);
– прайсці стажыроўку ў беларускіх грамадскіх арганізацыях (восень 2008);
– распрацаваць і рэалізаваць уласныя міні-праекты грамадства ў Беларусі (восень-зіма 2008).
Аўтары і арганізатары лепшых міні-праектаў змогуць мінуць стажыроўку ў Швецыі ў 2009 г.